Kantono Bazelo Urba
La Kantono Bazelo Urba estas unu el la 26 administraj unuoj de Svislando, kiuj nomiĝas kantonoj. Ĝia teritorio estas la urbo Bazelo.
| Kantono Bazelo Urba | |
|---|---|
 | |
 | |
| kantono de Svislando • urboŝtato | |
| Ĉefloko | Bazelo |
| Aliĝo al la Svisa Ĵurkomunumo | en la jaro 1501 |
| Oficialaj lingvoj | germana lingvo |
| Oficiala mallongigo | BS |
| Nombro de loĝantoj | 191500 (2010-05-31) |
| Areo | 37 km² |
| Loĝantardenseco | 5176 loĝantoj/km² |
| Geografia situo | CH1903: 612144 / 268452 (mapo)47.5666666666677.6Koordinatoj: 47° 34′ N, 7° 36′ O; CH1903: 612144 / 268452 (mapo) |
|
| |
 | |
 | |
Laŭ la stato de 2021 en la kantono vivis 200 973 loĝantoj sur areo de 36,95 kvadrataj kilometroj, kio rezultigas loĝdenson de 5 439 loĝantoj/km².
La nacilingvaj nomoj de la kantono en la lingvoj de la Svisa Konfederacio estas germane Basel-Stadt, france Bâle-Ville, itale Basilea-Città kaj romanĉe Basilea-Citad.
Geografio
redaktiLa Kantono Bazelo Urba situas en la nordo de Svislando ambaŭflanke de la rivero Rejno. Ĝia teritorio formas la sudan finon de la Supra Rejna Malaltebenaĵo.
Administra subdivido kaj komunumoj
redaktiLa Kantono Bazelo Urba ek de 1889 ne havas distriktojn. La kantono konsistas (stato je la 31-a de majo 2010) el tri komunumoj, nome la kantonĉefurbo Bazelo kun 169560 loĝantoj, Riehen kun 20725 loĝantoj kaj Bettingen kun 1215 loĝantoj.
Historio
redaktiLa historio de la kantono estas forte ligita kun la historio de la urbo Bazelo, kiu aliĝis en la jaro 1501 al la Svisa Ĵurkomunumo.
La hodiaŭa duonkantono Bazelo Urba, kiu konsistas krom el la urbo Bazelo nur el du pliaj komunumoj, ekestis dum la jaro 1833, kiam okaze de la bazela kantondisiĝo de la tiama kantono Bazelo sendependiĝis la nuna kantono Bazelo Kampara. La kantono Bazelo Urba ĝis la jaro 2006 havis paragrafon en sia konstitucio, kiu antaŭvidis reunuiĝon. Plurfoje, laste dum la jaro 1969, la loĝantoj de ambaŭ kantonoj voĉdonis pri tia reunuiĝo: ĉiam la urbanoj voĉdonis por kaj la kamparanoj kontraŭ, timante tro grandan influon de urbaj interesoj en komuna kantono.
Trafiko
redaktiLa Kantono Bazelo Urba disponas pri bonega transportsistemo. Unuflanke la loka tram- kaj busreto de Bazelo zorgas pri la fajna distribuo, aliflanke la Svisaj Federaciaj Fervojoj la Germana Fervojo kaj la Nacia Societo de la Francaj Fervojoj zorgas por la regionaj, naciaj kaj internaciaj konektoj sur la reloj. La internacia Flughaveno Bazelo-Mulhouse-Freiburg konektas la urbon kaj kantonon Bazelo al la mondo, kaj la internacia Rejnhaveno estas la svisa portalo al la Norda Maro.
Eksteraj ligiloj
redakti- Vidu ankaŭ en la Vikimedia Komunejo la kategorion Canton of Basel-City – (Kolekto de bildoj kaj plurmediaj dosieroj)