Internacia flughaveno estas en la najbara urbo Sliač (SLD ^IATA), kiu estas je 1-2 busaj kaj trajnaj haltejoj for de Zvolen. La urboj estas eĉ en piedira distanco (ĉ. 1 hora piedirado), tamen konsideru, ke la konekta vojo estas kampa, grunda. Tiu flughaveno tamen estas uzata precipe por someraj ferioj, do atendu tre limigitajn konektojn.

Relative proksimaj internaciaj flughavenoj estas en Bratislavo (BTS ^IATA), Košice (KSC ^IATA), Vieno (VIE ^IATA) kaj Krakovo (KRK ^IATA). Ĉiu estas en distanco ĉ. 3-5 horoj de Zvolen.

Zvolen estas grava fervoja nodo. Ĝi kunigas okcidenton, orienton, nodron kaj sudon. En la urbo estas 3 fervojaj stacioj - Hlavná stanica ("Ĉefa stacio"), mesto ("urbo") kaj nákladná stanica ("karga stacio"). Ĉiuj el ili estas uzataj por persona vojaĝado, ankaŭ la karga stacio. Kutime la plej bona elekto estas la ĉefa stacio. La stacio "mesto" funkcias nur por konektoj kun nordo; kvankam ĝi estas malgranda kaj havas nur 1 trakon, kutime tie hastas eĉ internaciaj rapidtrajnoj. La karga stacio funkcias preskaŭ senescepte nur por regionaj konektoj kun oriento - tiuj konektoj estas belaj manieroj por ekkoni malgrandajn urbojn kaj vilaĝojn en tiu regiono kaj prepariĝu, ke tiu konekto probable haltos en ĉiu el ili.

Ĉe la ĉefa placo, Placo de Slovaka nacia ribelo (Námestie SNP), estas vendejaro Prior, kiu ankaŭ aludas al socialisma epoko. Ĉe la apuda placo, Placo de Ľudovít Štúr (Námestie Ľudovíta Štúra), estas granda moderna vendejaro Europa Shopping Center.

En la kvartalo Západ estas areo de vendejaroj kie estas Tesco, Metro, TPD kaj aliaj.

En Zvolen ekzistas loka klubo, kiu tamen estas neaktiva.