Sub la regado de la grekoj de Sirakuzo kreiĝis la setlejon "Nissa" sur Monto Gibil-Gabib. Post la Punikaj Militoj, regado super Sicilio pasis al la Romia Imperio. La Kastelo de "Pietrarossa", konstruita sub bizanca regado (post la falo de la Romia Imperio), verŝajne falis sub araba rego ĉirkaŭ la jaro 846, la araboj renomis la urbon Qalʿat al-nisāʾ, laŭlitere tradukebla kiel "virina kastelo". Post la araboj, Kaltaniseto estis feŭda urbo ĝis la deknaŭa jarcento, dum kvarcent jaroj sub la regado de la familio Moncada de Paternò, kiu sponsoris la alvenon de multaj religiaj ordenoj, kiel pruvas la multnombraj monaĥejoj ĉeestantaj en la urbo; La palaco Moncada estas ankaŭ nun, impona konstruaĵo en baroka stilo, kiu tamen restis nefinita.

Dum la deknaŭa jarcento, (kaj ĝis la unua duono de la dudeka jarcento), ĝi spertis fortan ekonomian prosperon pro la ĉeesto de vastaj sulfuraj kuŝejoj, kio gajnis al ĝi la kromnomon de "monda sulfura ĉefurbo".

La klimato estas sufiĉe kontinenta, malvarma kaj seka vintre, varma kaj venta somere.

Ĉiuj urbaj buslinioj, administritaj de la loka Scat transporto, foriras de la centra fervoja stacidomo. Ĉiuj linioj komenciĝas kaj finiĝas ĉe la centra stacidomo, faciligante translokiĝi al trajnoj aŭ interurbaj busoj. Estas ses ĉefaj linioj, plus speciala lerneja linio, speciala linio por la monumenta tombejo kaj unu por la stratmerkato organizita ĉiun sabaton.

Por viziti la historian centron oni ne bezonas aŭton, pro ĝia eta grandeco. Vi devas atenti la Limigitajn trafikajn zonojn (ZTL) establitajn en la distrikto Provvidenza (estas malpermesite eniri 24 horojn tage), kaj laŭ parto de Corso Vittorio Emanuele; ĉi-lasta estas tamen signalita per semaforsistemo kaj per kelkaj retireblaj fostoj kiuj estas aktivigitaj dum la tempo en kiu la ZTL estas aktiva (kelkaj horoj posttagmeze).