Vintra Olimpiko 2014

XXII Vintra Olimpiko
Loko:	Soĉi ( Rusio)
Komenca dato:	La 7-a de februaro 2014
Fina dato:	La 23-a de februaro 2014
Nombro de nacioj:	88
Nombro de sportistoj: (viroj / inoj)	2861; ( / )
Nombroj de sportoj:	98 konkursoj (15 sportfakoj);
Aliaj kandidatoj:	Pjongĉango; ( Sud-Koreio); Salcburgo; ( Aŭstrio);
Somera olimpiko
← 2012	2016 →
Vintra olimpiko
← 2010	2018 →
	v • d • r

La 22-a Vintra Olimpiko (aŭ Vintraj Olimpiaj Ludoj) okazis de la 7-a de februaro 2014 ĝis la 23-a de februaro 2014 en Soĉi, Rusio. La Vintra Olimpiko de 2014 okazis inter la 7-a kaj 23-a de februaro 2014. La gastiganta urbego, Soĉio (Rusio), estis elektita la 4-an de julio 2007, dum la 119-a kunveno de la Internacia Olimpika Komitato en Gvatemalurbo (Gvatemalo). Soĉio gajnis en la dua voĉdonado (unue estis eliminita Salzburg kaj poste Pjongĉango). Krom Soĉio la konkursoj okazas ankaŭ en Krasnaja Polana. La Vintra Olimpiko unuafoje estas en Rusio kaj unuafoje okazas en subtropiko.

Historio

Oficiale kandidatis 7 urboj. La 22-an de junio 2006 en Laŭzano oni elektis 3. Forfalis:

Almato, Kazaĥio
Borĝomi, Kartvelio (ene de Ŝida Kartli)
Ĥako, Hispanio, (ene de Aragono)
Sofio, Bulgario

La 1-an de decembro 2009 estis oficiale prezentita la emblemo de la Olimpiko. La kreintoj glosis, ke speguleco signifas la duecon de la urbo Soĉio, kie la varma marbordo najbaras kun neĝkovritaj montaj supraĵoj. Tion ankaŭ subtenas uzado de la du koloroj — la mara blua kaj la neĝa blanko. La devizo de tiu Olimpiko estas «Gateway to the Future».^[1] Konforme al la olimpia tradicio la 28-an de februaro 2010 dum fina ceremonio en Vankuvero, kiu estis gastiganto de la Vintra Olimpiko 2010 prezidanto de la urbo Soĉio ricevis olimpian flagon, kiu ĝis la inaŭguro restis en urbodomo.

Inaŭgura ceremonio

La inaŭgura ceremonio okazis la 7-an de februaro 2014. Du estintaj sovetaj sportistoj – artsketistino kaj glacihokeisto oficiale bruligis olimpikan flamon

Sportaj aktivecoj

La partoprenantoj konkursas en 98 konkursoj ene de 15 sportaj disciplinoj. Unuafoje en la historio de Vintraj Olimpikoj estas interalie: skia duontubo, neĝtabulada speciala slalomo, skisaltado de virinoj, teamaj konkursoj en arta sketado kaj en sledado, ankaŭ stafeto en biatlono. Kompare al la lastaj olimpikoj aperas 12 novaj konkursoj, kio estas nova rekordo. La lasta rekordo koncernis la jaron 1992 kiam debutis 11 konkursoj.

Rango	Ŝtato	Oro	Arĝento	Bronzo	Sumo
Medala tabelo^[2] (post ĉiuj 98 konkursoj, la 23-an de februaro 2014)
1	Norvegio	11	5	10	26
2	Kanado	10	10	5	25
3	Usono	9	7	12	28
4	Rusio	9	3	8	20
5	Nederlando	8	7	9	24
6	Germanio	8	6	5	19
7	Svislando	6	3	2	11
8	Belorusio	5	0	1	6
9	Aŭstrio	4	8	5	17
10	Francio	4	4	7	15
plena medala tabelo

Kritiko kaj politikaj protestoj

Ĉi tiu sekcio estas ĝermo pri politiko.

Elektado de la urbo por Olimpiko

Post kiam Soĉi estis elektita por la Olimpiko aperis informo, ke la membroj de la Internacia Olimpika Komitato partoprenintaj la balotadon, ne povis libere fari elekton pro diversmaniera premo de tiuj asocioj, kiuj strebis pasigi la Olimpikon en Rusio.

Ekologiaj problemoj

Ekologiistoj asertis, ke tioma konstruado en naturdefentata zono de Kaŭkazo fakte pereigas la Kaŭkazan rezervejon. Greenpeace asertas, ke ekde komenco de preparado al la Olimpiko pri la ekologia problemo kulpas ne nur Registaro de Rusio, sed ankaŭ IOK.

Laŭ la sendependa eksperta raporto de B.Nemcov kaj V. Milov preparado kaj pasigo de la Olimpiko forte malbonigis ekologian situacion en Soĉi.^[3] Krome, la Olimpikon kritikas ankaŭ WWF.

Socipolitikaj problemoj

Kontraŭas la Olimpikon multaj ĉerkesoj: ili opinias, ke la evento fakte estas daŭrigo de la politiko de genocido kontraŭ la ĉerkesoj, kiun evektivigis Rusia Imperio kaj daŭrigas la nuna Rusio.^[4]. Pro tio estis kelkaj amasaj protestaj manifestacioj en kelkaj landoj^[5], interalie en la respubliko Kabardio-Balkario^[6].
Antaŭ la Olimpiko rusia polico malliberigis enmigrantojn, kiuj loĝis en Soĉi - kelkaj centoj. Multaj el ili, laŭ asertoj de rajtdefendistoj^[7], trafis malliberejojn, kie ili vivis en senhomecaj kondiĉoj; la arestojn gvidis la guberniestro de Krasnodara regiono Tkaĉov^[8]. Krome, ekde komenco de la januaro 2014 atingi la urbon per sia aŭto: Soĉi atingeblas nur per publika transporto, tute kontrolata de rusiaj ŝtataj servoj.
Ekzistas opinio, ke rilate al la Olimpiko en Rusio tute mankas libera informado: oni malpermesas al plimulto da ĵurnalistoj veni al Olimpikaj ludoj, amaskomulikiloj informantaj pri la problemoj trafas subpremon; multaj opoziciaj aktivuloj dum la lastaj monatoj antaŭ komenco de la Olimpiko estis malliberigitaj ktp.
La Olimpiko pasas dum manko de libereco por GLAT en Rusio: nedelonge en Rusio estis akceptitaj leĝoj kontraŭ samseksemuloj kune kun aliaj leĝoj pri diskriminacio post portempa kresko de opozicia politika movado en jaroj 2012 - 2013.

Malŝparita mono

Plejparto de kritiko rilate al la Olimpiko 2014 apartenas al financaj problemoj. Laŭ la revuo The Economist, por la preparo al la Olimpiko estis malŝparitaj 50 000 000 000 usonaj dolaroj. Membro de la Internacia Olimpika Komitato deklaris en januaro de 2014, ke triono de ĉi tiu mono (ĉirkaŭ 13 000 000 000 eŭroj) estis forŝtelitaj^[9].

Referencoj

↑ Борис Немцов, Владимир Милов: Сочи и Олимпиада Arkivigite je 2011-07-03 per la retarkivo Wayback Machine (ruse)

↑ Должна ли Грузия признать геноцид черкесов? ("The Jamestown Foundation", США) (ruse)

↑ Потомки черкесов в Лондоне провели митинг против Олимпиады-2014 в Сочи (ruse)

↑ Dum la tago de malfermo de la Olimpiko rusia polico malliberigis ne malpli ol 61 homon pro nepermesitaj protestoj Arkivigite je 2014-02-22 per la retarkivo Wayback Machine (ruse)

↑ Правозащитники осудили задержания гастарбайтеров в Сочи (ruse)

↑ Губернатор Ткачев начал облавы на мигрантов в Сочи (ruse)

↑ ЧЛЕН МОК ЖАН-ФРАНКО КАСПЕР: ПРИ ПОДГОТОВКЕ К СОЧИНСКОЙ ОЛИМПИАДЕ УКРАЛИ 13 МИЛЛИАРДОВ ЕВРО Arkivigite je 2014-02-19 per la retarkivo Wayback Machine (ruse)

Vidu ankaŭ

Aliaj olimpikoj en Rusio: Somera Olimpiko 1980 (en Moskvo)
Medaltabelo de la Vintra Olimpiko 2014
Aŭstralio en la Vintra Olimpiko 2014
Azerbajĝano en la Vintra Olimpiko 2014

Eksteraj ligiloj

Kategorio Vintra Olimpiko 2014 en la Vikimedia Komunejo (Multrimedaj datumoj)

Vintraj Olimpiaj Ludoj
1924, 1928, 1932, 1936, (1940)^II, (1944)^II, 1948, 1952, 1956, 1960, 1964, 1968, 1972, 1976, 1980, 1984, 1988, 1992, 1994, 1998, 2002, 2006, 2010, 2014, 2018, 2022

Someraj Olimpiaj Ludoj
1896, 1900, 1904, (1906)^*, 1908, 1912, (1916)^I, 1920, 1924, 1928, 1932, 1936, (1940)^II, (1944)^II, 1948, 1952, 1956, 1960, 1964, 1968, 1972, 1976, 1980, 1984, 1988, 1992, 1996, 2000, 2004, 2008, 2012, 2016, 2020, 2024

Bibliotekoj

[1] Логотип Олимпийских игр-2014 официально представлен в Москве ruse

[2] tabelo en la retejo de la loka organiza komitato por la Vintra Olimpiko kaj Paralimpiko 2014 Arkivigite je 2014-07-05 per la retarkivo Wayback Machine (angle)

[3] Борис Немцов, Владимир Милов: Сочи и Олимпиада Arkivigite je 2011-07-03 per la retarkivo Wayback Machine (ruse)

[4] Должна ли Грузия признать геноцид черкесов? ("The Jamestown Foundation", США) (ruse)

[5] Потомки черкесов в Лондоне провели митинг против Олимпиады-2014 в Сочи (ruse)

[6] Dum la tago de malfermo de la Olimpiko rusia polico malliberigis ne malpli ol 61 homon pro nepermesitaj protestoj Arkivigite je 2014-02-22 per la retarkivo Wayback Machine (ruse)

[7] Правозащитники осудили задержания гастарбайтеров в Сочи (ruse)

[8] Губернатор Ткачев начал облавы на мигрантов в Сочи (ruse)

[9] ЧЛЕН МОК ЖАН-ФРАНКО КАСПЕР: ПРИ ПОДГОТОВКЕ К СОЧИНСКОЙ ОЛИМПИАДЕ УКРАЛИ 13 МИЛЛИАРДОВ ЕВРО Arkivigite je 2014-02-19 per la retarkivo Wayback Machine (ruse)

[1]

[2]

[3]

[4]

[5]

[6]

[7]

[8]

[9]