Vikipedio en baza angla lingvo

Vikipedio en baza angla lingvo
Priskribo	La ĉefpaĝo de la vikipedio en baza angla lingvo
Retadreso	simple.wikipedia.org
Kategorio	Vikipedio (libera reta enciklopedio)
Lingvo	baza angla
Posedanto	Fondaĵo Vikimedio
Statistikoj
je la 27-a de novembro 2024
Artikolnombro	260 592
Profundeco	60
Paĝoj	853 577
Redaktoj	9 883 788
Uzantoj	1 527 648
Aktivaj uzantoj	1 564
Administrantoj	16
Dosieroj	36
v • d • r

La Vikipedio en baza angla lingvo (angle Simple English Wikipedia) estas la en Baza Angla lingvo verkata eldono de la libera reta enciklopedio Vikipedio. Ĝi estas unu el kvar Vikipedioj skribita en speco de angla lingvo, la aliaj estas la anglalingva Vikipedio, la skota Vikipedio kaj la anglosaksa aŭ malnovangla Vikipedio (kvankam la lasta estas plejparte nekomprenebla al denaska parolanto de la - moderna - angla ).

Fondita la 17-an de novembro 2003, la retejo celas disponigi enciklopedion por "homoj kun malsamaj bezonoj, kiel studentoj, infanoj, plenkreskuloj kiuj lernas malfacile, kaj personoj kiuj provas lerni la anglan". Kiam la Vikipedio en baza angla lingvo komenciĝis, la anglalingva Vikipedio jam havis 150 000 artikolojn, kaj sep aliaj Vikipedioj en aliaj lingvoj havis ĉiuj pli ol 15 000 artikolojn. Ĉar la aliaj Vikipedioj jam havis tiom da artikoloj, plejparte da artikoloj en Vikipedio en baza angla lingvo prenas artikolojn de aliaj Vikipedioj kaj plifaciligas ilin. Plej ofte ili ne estas novaj artikoloj. Komence de junio 2013, la retejo atingis nombron de pli ol 100 000 artikoloj, kaj havas pli ol 293 000 registritajn uzantojn, el kiuj 775 aktivas.

Laŭ la aserto en la paĝo pri tiu ĉi vikipedio en tiu vikipedio "Se iu ne povas kompreni ideon en la regula anglalingva Vikipedio, li povas legi la artikolon en la baza angla version"; kaj ke "La baza angla vikipedio estas ofte uzata de:

• studentoj
• infanoj
• plenkreskuloj kun lernomalkapabloj
• nedenaskaj anglalingvanoj"

La baza angla lingvo estas planlingvo. Temas pri laŭintence simpla, baza variaĵo de la angla lingvo, kreita de Charles Kay Ogden en 1930 por esti komuna dua lingvo por homoj ne regantaj la "normalan" anglan lingvon. La lingvo estas parto de la angla lingvo tiel malgranda, ke ĝi havas nur 850 vortojn (kaj 78 internaciajn vortojn) (vidu vortostoko de Baza Angla). Sed spite de tio, laŭ Ogden, ĝi povu esprimi ĉion ajn, kiun la plena angla povas esprimi. Verbojn, substantivojn ktp., por kiuj mankas vorto en la sistemo, oni devas esprimi per anstataŭigo, parafrazo, difino aŭ analizo. La lingvaĵo de la Vikipedio nomata "simpla angla" tamen ne estas vera planlingvo, sed malpli normigita, relative facila, relative simpla variaĵo de la angla lingvo uzanta pli da vortoj ol la planlingvo baza angla. Mankas difinoj pri la uzendaj vortoj kaj gramatikaĵoj kaj sekve apud facile kompreneblaj tekstoj troviĝas aliaj, kies lingvo ne esence diferencas de la ĝenerale uzata angla.

Artikoloj de la Vikipedio en baza angla lingvo kutime pli mallongas ol la samtemaj tekstoj en la anglalingva Vikipedio, kaj ofte prezentas nur bazan informon: Tim Dowling de la brita ĵurnalo The Guardian klarigis ke "la simpla angla versio inklinas algluiĝi al komune akceptitaj faktoj".^[1] La interfaco estas ankaŭ pli simple etikedata: ekzemple, la ligilo "Hazarda artikolo" ("Random article") en la angla Vikipedio estas anstataŭata per ligilo "montru iun paĝon" ("Show Any Page"), uzantoj estas invitataj "ŝanĝi" ("change") anstataŭ "redakti" ("edit") paĝojn, kaj tiel plu. La projekto uzas ĉirkaŭ 2 000 komunaj anglalingvajn vortojn, kaj la lingvaĵo priskribiĝas ne esti la planlingvo baza angla, sed "esti [iusence] bazita sur fundamento de la planlingvo" de Charles Kay Ogden.^[1]

• La ĉefpaĝo de Vikipedio en baza angla lingvo
• wikipedia.org - plurlingva enirpaĝo de Vikipedio
• retejo de la vikimedia fondaĵo

v • d • r Diverslingvaj eldonoj de Vikipedio laŭ kvanto da artikoloj (je la 27-a de novembro 2024) Pli ol 1 000 000 Angla (en) • Cebua (ceb) • Germana (de) • Franca (fr) • Sveda (sv) • Nederlanda (nl) • Rusa (ru) • Hispana (es) • Itala (it) • Pola (pl) • Masra (arz) • Ĉina (zh) • Japana (ja) • Ukraina (uk) • Vjetnama (vi) • Varaja (war) • Araba (ar) • Portugala (pt) •  Pli ol 500 000  • Kataluna (ca) • Indonezia (id) • Serba (sr) • Korea (ko) • Norvega (no) • Turka (tr) • Ĉeĉena (ce) •  Pli ol 200 000  • Serbo-Kroata (sh) • Eŭska (eu) • Minnana (zh-min-nan) • Malaja (ms) • Hebrea (he) • Esperanta (eo) • Armena (hy) • Dana (da) • Bulgara (bg) • Uzbeka (uz) • Kimra (cy) • Baza angla (simple) • Slovaka (sk) • Estona (et) • Belorusa (be) • Azerbajĝana (azb) • Greka (el) • Kazaĥa (kk) • Minankabaŭa (min) •  Pli ol 100 000  • Slovena (sl) • Ladina (lld) • Kartvela (ka) • Norvega (nn) • Tamila (ta) • Taja (th) • Hindia (hi) • Bengala (bn) • Makedona (mk) • Kantona (zh-yue) • Latina (la) • Astura (ast) • Latva (lv) • Afrikansa (af) • Taĝika (tg) • Birma (my) • Telugua (te) • Albana (sq) Pli ol 10 000 (elektitaj) Ida (io) • Jida (yi) • Okcitana (oc) • Oseta (os)