Roton

Roton estis projekto de komerca, reuzebla, perhoma, unuŝtupa porta raketo de kalifornia "Rotary Rocket Company". Roton devintus starti vertikale, utilŝarĝon porti en la terorbiton kaj poste surlandiĝi per rotorsistemo - simila al tiu de helikoptero. Ĝi devintus kunporti ŝarĝon de ĝis 3200 kg en orbiton de 300 km kaj 50.0° orbita kliniĝo.

Kiel pelaĵon, oni volis uzi likvidan oksigenon kaj kerozinon. La eka maso estis planita je 180 tunoj, la raketa alto je 19,5 m kaj la baza diametro de 6,70 m.

Oni planis je 2000 jam komercajn flugojn kontraŭ prezo de 7 milionoj $ je lanĉo.

Oni faris testflugojn en 1999 per prototipo nomata "Athmospheric Test Vehicle", alta 19,5 m. La prototipo jam havis la ŝipanon de 2 homoj.

La projekto kolapsis pro financaj kaj teknikaj kaŭzoj.