Protivín

Tiu ĉi artikolo temas pri municipo en distrikto Písek. Eble vi serĉas: Protivin (municipo en usona ŝtato Iowa).

Protivín
germane Protiwin
urbo
Placo de Masaryk en Protivín
Flago Blazono
Oficiala nomo: Protivín
Ŝtato	Ĉeĥio
Regiono	Sudbohemia regiono
Distrikto	Distrikto Písek
Administra municipo	Písek
Historia regiono	Bohemio
Rivero	Blanice
Situo	Protivín
- alteco	383 m s. m.
- koordinatoj	49° 11′ 58″ N 14° 13′ 02″ O / 49.19944 °N, 14.21722 °O / 49.19944; 14.21722 (mapo)
Areo	61,37 km² (6 137 ha)
Loĝantaro	4 799 (2024)
Denseco	78,2 loĝ./km²
Baseno	Ĉeskobudejovica baseno
Unua skribmencio	1282
Horzono	MET (UTC+1)
- somera tempo	MET (UTC+2)
Poŝtkodo	397 01
NUTS 3	CZ031
NUTS 4	CZ0314
NUTS 5	CZ0314 549771
Katastraj teritorioj	9
Partoj de urbo	9
Bazaj setlejunuoj	9
Situo enkadre de Ĉeĥio
Vikimedia Komunejo: Protivín
Retpaĝo: www.muprotivin.cz
Portalo pri Ĉeĥio

Protivín (germane Protiwin) estas urbo en Ĉeĥio kun 4 799 loĝantoj (2024). Ĝi situas en Sudbohemia regiono, 12 km sude de la urbo Písek, surborde de la rivero Blanice, apud la ĉefŝoseo inter Prago kaj České Budějovice.

La najbaraj municipoj de la setlejo estas Žďár, Skály, Tálín, Heřmaň, Písek, Temelín, Všemyslice, Dříteň, Vodňany, Číčenice kaj Pohorovice.

La urbo konatas precipe pro biero , produktata en la loka bierfarejo PLATAN (fondita en 1598), nomita laŭ la al la bierfarejo kondukanta platanaleo.

Naskiĝurbo de fama verkisto kaj figurartisto Jiří Kolář (1914-2002).

El tradiciaj kulturaj aranĝoj plej konatas historia urba festo, okazanta en septembro.

Urbo Protivín konsistas el naŭ partoj sur naŭ katastraj teritorioj

• Chvaletice (k. t. Chvaletice u Protivína)
• Krč (k. t. Krč u Protivína)
• Maletice (ankaŭ nomo de k. t.)
• Milenovice (ankaŭ nomo de k. t.)
• Myšenec (ankaŭ nomo de k. t.)
• Protivín (ankaŭ nomo de k. t.)
• Selibov (ankaŭ nomo de k. t.)
• Těšínov (k. t. Těšínov u Protivína)
• Záboří (k. t. Záboří u Protivína)

• kastelo (origine burgo) fondita en la 13-a jarcento de la reĝo Přemysl Otakar la 2-a, rekonstruita renesance kaj baroke, kun ĉirkaŭa 7,6 ha granda angla parko kun 20 specoj de raraj arboj (nuntempe privata havaĵo de magistrato Prago 4)
• frubaroka preĝejo de Sankta Elizabeto la Portugala el 1662
• baroka du-ala subparoĥestrejo, en 2006-2010 komplete rekonstruita, sidejo de informa kaj kleriga centro kaj ekspoziciejo (zoologia muzeo kun originalaj skeletoj kaj remnuraĵoj de de ekzotikaj bestoj, kun la plej granda kolekto de rinoceraj skeletoj en la tuta mondo; ekspozicio pri Jiří Kolář, arkeologiaj trovaĵoj, portempaj ekspozicioj)
• urba muzeo sur la ĉefplaco (filio de Muzeo de la regiono Prácheň - kun ekspozicioj pri historio, etnografio kaj precipe unika specialigita ekspozicio "Ekzotika naturo" - insekto, submara vivo, montaro, savanoj, dezertoj, river-, mar- kaj lagobordoj, praarbaroj)
• unika krokodila bestoĝardeno (kun 18 specoj de krokodiloj, la plej granda tiuspeca kolekto en tuta Mezeŭropo)
• bierfarejo Platan - ebleco de fakaj ekskursoj pri produktado de biero
• bazlernejo, konstruita en 1902-1903 en stilo de t.n. ĉeĥa novrenesanco, ornamita de sgrafitoj de Mikoláš Aleš
• klasikisma grenejo el 1832 (situanta apud la bierfarejo)

• Klokočín - pitoreska renesanca fortikaĵo kun infangalerio
• Zelendárky - 12 km longa instrupado tra protektita naturo en ĉirkaŭaĵo de la urbo, taŭga ankaŭ por biciklado (aro de 10 fiŝlagoj, ĉevalejoj, bieno por cervoj kaj damaoj, interesa vilaĝa arkitekturo)
• valora romanika preĝejo en Myšenec
• urbo Písek
• naturparko Písecké hory

• CHMELÍK, Jan. Protivín ve víru staletí. Protivín : Město Protivín - Městské kulturní středisko Protivín, 2007. 36 p. : il., fot.
• KOLAFOVÁ, Antonie – JAROLÍMEK, Jiří. 700 let města Protivína. Protivín : Měst. nár. výbor, 1982. 93 p., fot.
• MĚSTO Protivín a okolní obce na pohlednicích. Písek : Prácheňské nakladatelství, 2003. 107 p. , fot., il. ISBN 80-86566-17-X

• Fotogalerio de la urbo kaj ĉirkaŭaĵo
• Informcentro
• Urba muzeo
• Krokodila bestoĝardeno

• 
  kastelo
• 
  preĝejo kaj subparoĥestrejo
• 
  bierfarejo
• 
  platana aleo