Peña Sagra

Peña Sagra
Montaro vidita de Navas
monto • montomasivo
Alteco	2 048 m
Situo	Hispanio
Montaro	Kantabra Montaro
Geografia situo	43° 10′ N, 4° 30′ U (mapo)43.167333-4.5005Koordinatoj: 43° 10′ N, 4° 30′ U (mapo) f4
DEC Situo de Peña Sagra
Peña Sagra
v • d • r

Peña Sagra [penja sagra] estas 16-kilometra montoĉeno en Kantabrio (norda Hispanio). Ĝi estas natura limo inter la alta sudokcidenta parto de la valo de rivero Nansa (en Liébana, kie fluas la rivero Deva) kaj la municipo Polaciones. Ĝi havas tre krutajn montojn. La vala komarko Liébana estas interspaco inter la montaro Picos de Europa kaj Peña Sagra. Estas geodezia vertico en la monto Cantu Traspeñuela.^[1] La tuta areo de la montaro estas Protektita birda areo.

Kelkaj historiistoj pensas, ke la monto Medulio (ŝirmejo de kantabroj en la fino de la Kantabraj militoj kontraŭ la Romia Imperio) estis ie en Peña Sagra.^[2]

Ĉe la monto Cuernón, je alteco de 1340 m, estas kirko Virgen de la Luz (Virgulino de la lumo), kiu estas patrono de Liébana kaj Polaciones. Karese oni nomas la virgulinon La Santuca (la sanktulino). Ĉiujare la 24-an de aprilo oni procesie marŝas kun ĝia figuro ĝis la vilaĝo Somaniez kaj la sekvan tagon oni iras ĝis la vilaĝo Aniezo. De tie la 2-an de majo la procesio plu iras ĝis la Monaĥejo de Sankta Toribio de Liébana, trairante diversajn vilaĝojn de Liébana. La vesperon la virgulino revenas al Aniezo kaj post du tagoj ĝi revenas en la kirkon de Peña Sagra.