Pago

Pago (komparu la italan pagare) estas la transdono de mono aŭ alia valoraĵo, kutime por ricevo de varo, posedaĵo, servo aŭ por transcedo de rajto. Per pagado oni kvitigas sin de materia aŭ morala ŝuldo.

Pago povas esti farita ekzemple per: kontanta mono, remburso, ĝiro (transpago), daŭra transpago, kreditkarto, debetkarto, debet-enkasigo, kambio, akreditivo (dokumenta kredito, kreditletero), ĉeko.

En figura senco pagi signifas aŭ: trakti iun same malbone, kiel li nin aŭ aliulon traktis, aŭ: esti traktata same malbone, kiel oni traktis aliulon.

•   Pago en ReVo .
• "Etimologia Vortaro de Esperanto" fare de Ebbe Vilborg