Paŭlo Medem

Paǔlo Medem
Paŭlo Medem en 1920
Persona informo
Naskiĝo	8-a de decembro 1862 en en Kaŭno, (Litovio)
Morto	1-a de januaro 1925 en en Kaŭno, (Litovio)
Lingvoj	Esperanto
Nacieco	litovo
Ŝtataneco	Litovio
Okupo
Okupo	esperantisto (1910–) tradukisto
Esperanto
Tradukis en Esperanton	ĉapitro de Lev Tolstoj el "La Vojo de l' Vivo" kaj de Avseĵenko "Fraŭlino Suzano"
Esperantistiĝis en	1910
v • d • r

Paŭlo Medem (naskiĝis en la 8-a de decembro 1862 en Kaŭno, mortis en la 1-a de januaro 1925 en Kaŭno) estis litova germano, vickolonelo en la rusa armeo kaj de 1906 bankisto.

Esperantisto de 1910, li multajn jarojn estis gvidinto de la Esperanto-movado en Kaŭno; post la unua mondmilito la Kaŭna Esperanto-Societo kunvenadis en lia loĝejo. Li estis prezidanto de Litova Esperanto-Asocio, kaj en la universitato gvidis kursojn. Verkis lernolibron por rusoj. Multe kunlaboris en diversaj Esperantaj gazetoj, precipe en "Esperanto Triumfonta" kaj Heroldo de Esperanto. En apartaj libretoj aperis tradukaĵoj el Lev Tolstoj: ĉapitro el "La vojo de l' vivo" kaj de Vasilij Avsejenko "Fraŭlino Suzano". Li subtenis la eldonon de pluraj lernolibroj, ankaŭ de la "Litova Almanako". Paŭlo Medem estis membro de la Lingva Komitato kaj de la Akademio de Esperanto.

• La vojo de l' vivo (ĉapitro XXI) de Lev Tolstoj. Tradukis Paŭlo Medem. - Kaŭno: Esperantista Societo, 1913.
• "Fraŭlino Suzano", de Vasilij Avsejenko. Tradukis Paŭlo Medem. - Kaŭno, 1920.
• Полный самоучитель языка Эсперанто (Plena memlernilo de la lingvo Esperanto) - Petrogrado (Rusio), 1918; dua eldono Kaŭno, 1920
• Gramatiketo por rusoj. Eld. la aŭtoro, Kaunas, 1921?

	„ Tre zorge eldonita, belaspekta libreto. La gramatikaj ekzemploj kaj ekzercoj konsistas el frazoj kaj verkaĵoj el la Fundamento aŭ de niaj plej bonaj stilistoj: Zamenhof, Kabe kaj Privat. ” — Belga Esperantisto n077-078 (jul-aug 1921)

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.