Sten Hegeler
| Sten Hegeler | |||||
|---|---|---|---|---|---|
| Persona informo | |||||
| Naskiĝo | 28-an de aprilo 1923 en Kopenhago | ||||
| Morto | 15-an de aŭgusto 2021 (98-jaraĝa) | ||||
| Lingvoj | dana • Esperanto vd | ||||
| Ŝtataneco | Reĝlando Danio  vd
| ||||
| Alma mater | Metropolitanskolen (en)  Universitato de Kopenhago vd
| ||||
| Familio | |||||
| Patro | Poul Henningsen (en) vd
| ||||
| Gefratoj | Simon P. Henningsen (en) vd
| ||||
| Edz(in)o | Inge Hegeler (en) (1954–1983) vd
| ||||
| Profesio | |||||
| Okupo | psikologo publikigisto aŭtoro seksologo esperantisto vd
| ||||
| Laborkampo | Psikologio kaj Esperanto vd
| ||||
| |||||
| vd | Fonto: Vikidatumoj | ||||
Sten HEGELER (naskiĝis la 28-an de aprilo 1923 en Frederiksberg, parto de la komunumo Kopenhago - 15-an de aŭgusto 2021) estis dana psikologo, seksologo kaj aŭtoro.
Li gajnis abiturientecon de la renoma kopenhaga mezlernejo Metropolitanskolen en 1942, ekstudis medicinon, kaj finstudis psikologion en la Universitato de Kopenhago en 1953. En 1948, li publikigis la libron Hvordan, mor? ("Kiel, patrino?"), instruilo pionira en la seksa eduko de antaŭlernejaj infanoj, kiu estis tradukita en plurajn aliajn lingvojn. En 1950 li establis propran psikologan praktikejon, kiu ankoraŭ funkcias.
Kune kun sia edzino Inge Hegeler (1927 - 1996) li eldonis inter la jaroj 1960 kaj 1970 popularan rubrikon en la ĵurnalo Ekstra Bladet ("ekstra folio"), kiu traktis priseksajn demandojn de legantoj kaj nomiĝis sexbrevkasse ("seksa leterkesto)". Ankaŭ en la norvega ĵurnalo Dagbladet ("taga folio") simila rubriko de la duopo aperis dum jaroj. La paro ankaŭ eldonis la librojn ABZ de amo (kiu ankaŭ furoris en traduko al Esperanto) kaj Spørg Inge og Sten ("petu al Inge kaj Sten"), ĉi-lasta el materialo deveninta de la "seksa leterkesto". De 1973 al 1979 li estis redaktoro de la revuo Tænk ("pensu") de la nacia konsilio de konsumantoj.
