Ĝermolisto de usonaj esperantistoj

Tiu ĉi paĝo listigas ĝermajn informojn pri usonaj esperantistoj. Movu mallongajn informojn pri usonaj esperantistoj en tiun ĉi paĝon metante alidirektilon. Se vi volus partigi informon en apartan artikolon, aldonu informojn tiel ke minimume estu tri plenaj frazoj, prefere pli, nepre estu ĝustaj kategorioj, almenaŭ kategorio:usonaj esperantistoj, kaj laŭeble ankaŭ uziĝu la ŝablonoj {{Informkesto homo}} kaj {{vivtempo}}. Post kreo de aparta artikolo forigu la informon de ĉi-tie. Ekzistas pli plena listo de usonaj esperantistoj, en kiu listiĝu la nomoj de usonaj esperantistoj aŭ menciataj ĉi-tie aŭ per propra biografia artikolo.

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

Floyd C. ANDERSON (1923 – 2004) estis usona esperantisto kaj dumviva membro en Riverton, Vajomingo (Usono).

Edwin Joseph BAKER (naskiĝis en 1941, mortis tragedie 1971 en Los Angeles), estis aktiva en la kadro de la Junularo Esperantista de Nordameriko kaj kiel membro kaj fakdelegito de UEA dum la jaroj 1962-1968.

Marion E. BIGELOW (1904-1999), dumviva membro de UEA kaj de Esperanto-Ligo por Norda Ameriko, delegito en Fresno, forpasis en Reedley (Kalifornio, Usono) la 20-an de julio.

Johano Vilhelmo Bishop^[1] (mortis en 1930 laŭdire en "Montclair, Novjorko", probable en Montclair, kantono Essex, Nov-Ĵerzejo) estis usona esperantisto en la unua duono de 20-a jarcento. Aŭtoro de VersaĴetoj.

Jesse BURKE (naskiĝis en 1920 - mortis la 5-an de januaro 1994 en San Diego, Usono) estis iama UEA-fakdelegito.

Creston C. Coigne (naskiĝis 1900?; mortis la 6-an de junio 1922) estis novjorka esperantisto en la komenco de 20-a jarcento. Li donacis tricent esperantajn librojn al publika biblioteko de Novjorko ^[1].

John A. COLE (naskiĝis en 1922 - mortis en 2005 en Santa Barbara, Usono) estis dumviva UEA-membro, iama delegito kaj fakdelegito pri urbaj aferoj.

Stella Toogood COPE (naskiĝis en 1914 en Anglio, mortis la 1-an de aŭgusto 2004 pro kancero en Berkeley) estis delegito de UEA kaj fakfelegito pri kvakerismo en Berkeley (Kalifornio). Kun sia nederlanddevena esperantista edzo, ambaŭ lernis Esperanton ankoraŭ en Eŭropo, ŝi multajn jarojn estis aktiva en la regiona Esperanto-organizaĵo SFERO.

Joseph DELPINO (1913-1995), iama fakdelegito pri geografio kaj lingvoj en Novjorko, mortis la 12-an de julio en Londono, dum esperantista gastado.

Julie DINNEL (naskiĝis en 1908 - mortis dum julio 1991 en Sacramento (CA), Usono) estis dumviva membro de UEA en Sacramento, kie ŝi estis delegito.

Sonia Docal (mortis la 22-an de novembro 1984) estis edzino de Sergio Docal Puig, eldonisto de Je via sano.

Gretchen DORIS (naskiĝis en 1914; mortis en 1987) estis usona esperantisto kaj dumviva membro de UEA, delegito en Tampa, Usono, kaj fakdelegito pri radio-amatorismo.

Pastro Horace Dutton (mortis 1920) esperantisto el Auburndale (Mass.), estis unu el la plej energiaj movadanoj en Boston. Laborante kiel kristana misiisto inter la junuloj de multaj landoj de Eŭropo, li frue kontaktiĝis kun la lingva problemo kaj en Ĝenevo en 1906 ekkonatiĝis kun Esperanto^[2]. Kune kun Pastroj Friedrich Schneeberger kaj John Cyprian Rust (Anglujo) li aranĝis en la Dua Universala Kongreso la unuan protestantan diservon en Esperanto^[3].

Robert D. DWELLEY (1949-1992 mortis en Rochester, Nov-Jorko, Usono) estis dirigento, UEA-delegito pri muziko.

Alice M. Field (mortis en 1912) estis sekretariino de la Nacia Nova Eklezia Esperanta Societo, ankaŭ de la loka Esperanto-societo de Brockton (d:Q49193), Masaĉuseco, kie ŝi estis unu el la pioniroj pri Esperanto.

Stanley Neil GLASS (1947-2004) mortis la 10-an de februaro 2004 en Sankta-Luiso (Misurio, Usono), pro sia tria koratako. La psikologo esperantistiĝis en 1992 kaj fariĝis konata interalie kiel helpanto pri Macintosh-problemoj.

Walter Lewis GNAGY (1924-2005), dumviva membro de UEA, iama delegito kaj fakdelegito pri geologio, mortis en Colville, Usono.

John GRUND (naskiĝis en 1924; mortis en septembro 2001) estis usona esperantisto kaj iama delegito de UEA.

James D. Hailman (mortis en 1930) estis usona esperantisto en Pittsburgh ekde 1906, tie li estis unu el la fondantoj de Pittsburgh Esperanto Society. Li ankaŭ partoprenis la fondon de EANA.

Edward Harvey (mortis 1909) estis unu el la pioniroj de Esperanto en Usono. Li enkondukis Esperanton en la Perkins Instituton por Blinduloj en Norda Ameriko kaj lia sindonemo por la blinduloj estis bone konata.

B. Robert HELM, kutime mallongigata Rob Helm, estas usona komputilisto kaj esperantisto. Li studis kaj poste estis scienca kunlaboranto de la instituto pri komputiko en la universitato de Oregono, Eugene, kaj nun laboras kiel kunlaboranto de la entrepreno Microsoft. En 1996 li kontribuis al la esperantlingva traduko de la romano Naskiĝo de la Rustimuna Ŝtalrato de Harry Harrison, kiun publikigis la eldonejo Sezonoj en Jekaterinburg.

Hazel Hoff HEUSSER (1910-2000), dumviva membro, iama delegitino pri edukado, mortis la 14-an de majo en Fresno (Kalifornio).

Isabelle M. HORN estis usona esperantistino, aŭtoro kaj ĵurnalisto, naskiĝinta en Vaŝingtono. Ŝi estis esperantisto de 1910, helpa sekretariino de EANA 1910-16 kaj subredaktoro de Amerika Esperantisto, 1913-16, kaj krome estis ano de la administra komitato de EANA.

Saul J. JAFFE [ĝefi] estis usona esperantisto kaj ekonomikisto. Naskiĝis en la 25-a de decembro 1894 en Rēzekne, Latvio. Esperantisto de 1909. Gvidis E-kurson en sia naskiĝa urbo. Propagandis E-on en Flint (Miŝigano) Oficiale reprezentis la ŝtaton Miŝigano ĉe la UK en Budapest.

John Lewis Kiplinger (mortis la 6-an de aprilo 1937) estis esperantisto en West Liberty, West Virginia.

Stuart E. KITTREDGE (naskiĝis en 1905; mortis en 1991 en Hartford (Konetikuto)) estis usona esperantisto, UEA-fakdelegito pri la bahaa kredo.

Pauline Klein estis aktiva en Esperanto-movado en Esperanto Klubo de Milwaukee dum la unua duono de la 20-a jarcento.

Stanley Kozminski (mortis la 10-an de aprilo, 1927) estis usona esperantisto en la komenco de la 20-a jarcento en Cleveland, Ohio.

George Winthrop LEE (li) estas usona esperantisto kaj bibliotekisto. Li naskiĝis la 27-an de februaro 1867 en Roxbury (Masaĉuseco), ekde la sekva jaro, do 1868, parto de Boston. Li estis esperantisto ekde 1905 kaj prezidanto de la Esperanto-grupo de Boston ekde 1912. Inter la jaroj 1920 kaj 1922 li funkciis kiel sekretario de EANA.

Joseph (Joe) Lencer (naskiĝis 1891?; mortis la 31-an de oktobro 1973) estis usona esperantisto en Daytona Beach ekde 1910-a jardeko.

Moshe LEWIN (naskiĝis 1914 - mortis la 20-an de decembro 1990 en Novjorko, Usono) estis dumviva membro de UEA. Li estis dum multaj jaroj la delegito en la novjorka urbokvartalo Bronkso, fakdelegito pri muziko kaj regula ano de Societo Zamenhof.

Lewis B. Lüders (naskiĝis 1879?; mortis 1914 en Leipzig) estis germana esperantisto en Philadelphia. Li estis unu el la pioniroj en Usono. Li estis dum du jaroj Prezidanto de la Philadelphia Societo.

B. P. Mann (mortis en 1926), dum multaj jaroj la trezoristo de EANA, estis usona esperantisto en komenco de 20-a jarcento. Li estis filo de Horace Mann (1746-1859), la unua Prezidanto de Antioch College, Yellow Springs.

R.C. MARBLE estis la Esperanto-redaktanto de la angla/esperanta periodaĵo Musical Six-Six Newsletter/Muzika ses-ses bulteno (1972-1986)^[4]. Interalie li kontribuis al la revuo Esperantologio.

John A. MATHEWS (1921-1997), delegito en Sacramento, refondinto de la loka Esperanto-Asocio, gvidinto de kursoj.

Fred H. McMANN (mortis en 1998 en Troy, Novjorkio) estis usona esperantisto kaj dumviva membro de UEA.

William METS (1912 - mortis la 11-an de februaro 1991 en Santa Barbara, Kalifornio) estis vic- kaj fakdelegito de UEA.

Henry B. MILSTED (mortis aŭtune 1975 en Zanesville, Ohio) estis usona esperantisto. Dum la lastaj jardekoj de sia vivo li estis tre entuziasma aktivulo en la loka Esperanto-movado. Li estis ankaŭ UEA-delegito.

Simon MUDRY (naskiĝis en 1910 - mortis la 11-an de januaro 1993 en Santa Barbara, Kalifornio, Usono) estis dum multaj jaroj UEA-fakdelegito pri turismo.

Ralph MURPHY (naskiĝis en 1938 - mortis la 15-an de aŭgusto 1987 post reveno de Varsovio) estis dumviva membro de UEA kaj ELNA. Li estis UEA-delegito en Boston, poste en Port Charlotte, kaj fakdelegito pri turismo.

Mary MURRAY (mortis en 1991 en Novato, Kalifornio) estis usona esperantistino kaj dumviva membro de UEA.

John Preston OGDEN (naskiĝis la 29-an de julio 1840 en Leeds, Britio; mortis la 20-an de februaro 1925 en Bostono, Usono) estis brita-usona lingvisto kaj esperantisto. Li alvenis en Usono en 1886. De 1905 ĝis 1907 li instruis Esperanton en la Masaĉuseca Instituto de Teknologio.^[1]

Esther OWEN FLINT (mortis la 17-an de majo 1931 en Sankt-Peterburgo (Florido), 80 jarojn aĝa) estis usona esperantistino, delegito de UEA en Florido.

Rufus W. Powell (mortis la 7-an de julio 1929 en Orlando (Florido)) estis esperantisto el Novjorko.

Robert L. READ estas estrarano de Esperanto-USA.^[1]

George Coe Roberts (naskiĝis la 21-an de Oktobro 1952 en Salem, mortis la 25-an de Julio 2013 en Goiânia) instruisto, estis esperantisto el Usono. Li loĝis ankaŭ en Portugalujo, Saud-Arabujo kaj en Brazilo. Li translokiĝis al Goiânia en 1982. Li esperantiĝis 14-jaraĝa memlerne. George estis prezidanto de la Esperanto-Asocio de Gojaso (EAGO).

Derek ROFF (naskiĝis la 20-an de novembro 1954, do nun 70-jara) ekde la 1980-aj jaroj estas aktiva esperantista aktivulo en Albuquerque, ĉefurbo de la subŝtato Nov-Meksiko, en kies Universitato de Nov-Meksiko li docentas respektive docentis ĝis pensiiĝo probable komence de la 2020-aj jaroj.

William A. SHANKS (naskiĝis en 1917 kaj mortis la 12-an de septembro 2001) estis dumviva membro, longtempe delegito en Mesa (Arizono, Usono) kaj fakdelegito pri elektroniko. Li multfoje akompanis esperantistajn grupojn en ekskursoj de Esperanto VojaĝServo kaj ĉeestis multajn UK-ojn.

John A. SHEIL (mortinta en septembro 1930, 56 jarojn aĝa) estis usona esperantisto. Li estis delegito de UEA kaj sekretario-kasisto de Kolumbia Esperanto-Asocio en Vaŝingtono. Li laboris ĉe la registrejo de testamentoj de Vaŝingtono kaj estis aktiva katoliko.

Werner SIMON (1908-1993), delegito dum pli ol kvardek jaroj en Memfiso (Usono) kaj monde konata fakulo en la kampo de filatelo, mortis en novembro 1993.

Mike SLOPER (naskita en 1952), ofte esperantigata Miko Sloper, ekde la 1980-aj jaroj estas aktiva esperantista aktivulo. Li estis direktoro de la centra oficejo de Esperanto USA en Emeryville, Kalifornio.^[1] Li rolludis kiel Georgo Bonvolo en la video-kurso Pasporto al la tuta mondo, kaj helpis en la tradukado de la anoncoj en la laŭtparoliloj de la usona filmo Gattaca.

Benjameno F. Smith estis usona esperantisto en unua duono de 20-a jarcento.

Verko

• Historieto pri Elfarado de Everett W. Lord, Dekano de la Kolegio de Komerca Administrado de Bostona Umversitato. Eld. la aŭtoro, Boston, 1926.

„ Bele enbindita 17 paĝa libreto kun portreto de S-ro B. F. Smith. Verda presaĵpapero gluita en la libreto avertas Angle kaj Esperante ke la libreto estas donacata al la ricevanto kaj ke ĝia enhavo montras «kiel laboremulo bonmorala povas sukcesi en Ameriko». Ĝi estas donacata al la lernantoj de suprenomita Kolegio pro la sindonemo kaj malavareco de S-ro Smith kies vivrakonto estas mallonge verkita en ĝl. S-ro Smith esperas ke tiu rakonto pruvos al la leganto, ĉefe al la juna leganto, ke sukceso ekonomia en la vivo dependas nur de la intimaj virtoj: ŝparemo, kuraĝo, laboremo. Kun plezuro ni konstatas ke ĉe atenta leganto la verketo certe atingos sian celon kaj ke ĝia eldonado estas bona, utila ago. Ĝi meritas do pli ampleksan disvastiĝon. Ni devas tamen fari kritiketon pri la stilo kaj uzo de kelkaj vortoj kaj esprimoj (ĉefe sur la ok unuaj paĝoj) kiuj pruvas ke la tradukinto restis iomete tro sub la influo de sia landa lingvo: la stilo do ne estas tute sendepencde Esperanta. Malgraŭ tio la libreto estas entute bone komprenebla kaj rekomendinda. L. COGEN. Belga esperantisto n144 (feb 1927) ”

	„ Tiu ĉi libreto, montras kiel laboremulo bonmorala povas sukcesi en Ameriko. Ĝi havas belan aspekton kaj interesan enhavon. ” — Brazila Esperantisto 1926 j17_n05-08_maj-aug.

Julie SPICKLER multajn jarojn estis la sekretario de Esperanto-USA.

Ellie Stein (1922-2004) estis usona esperantistino, kiu en la 1980-aj kaj 1990-aj jaroj kiel pensiulino estis motoro de la loka Esperanto-klubo en San Diego, Kalifornio. En la periodo de ties apero, inter la jaroj 1979 kaj 1988, ŝi ankaŭ regule kontribuis al la bulteneto Sekso kaj Egaleco, kiun tiam ĉefredaktoris Anna Löwenstein en Italio.

Sidney STEINBERG (naskiĝis en 1914, mortis la 25-an de majo 1996), estis usona esperantisto, dumviva membro de UEA, kaj 15 jarojn funkciis kiel UEA-delegito pri komerco. Dum multaj jaroj li preparis jaran financan raporton pri la Novjorka Oficejo de UEA.

Emily J. Ŝimonek^[1] (mortis en 1927), edzino de D-ro B. K. Ŝimonek, estis usona esperantistino en Ĉikago dum la komenco de la 20-a jarcento.

Reuben A. TANQUIST (naskiĝis en 1897 - mortis la 14-an de novembro 1993 en Portland, Usono) estis usona esperantisto. En 1927 li defendis la unuan socio-psikologian tezon verkitan pri esperantistoj.

L. A. WALTHER (1917-2005 en Portland, Usono) estis usona esperantistino kaj regula membrino de Societo Zamenhof kaj patrono de TEJO.

Mark B. WEDDELL estas usona esperantisto, kiu inkluzive de la jaro 1980 Arkivigite je 2021-02-11 per la retarkivo Wayback Machine plurajn jarojn funkciis kiel landa reprezentanto de IKUE en Usono. En 1996 li kontribuis al la esperantlingva traduko de la romano Naskiĝo de la Rustimuna Ŝtalrato de Harry Harrison, kiun publikigis la eldonejo Sezonoj en Jekaterinburg.

Adele WESSON estis usona esperantisto kaj dumviva membro de UEA. Ŝi mortis en majo 1993 en Lagrangeville en Nov-Jorkio.

Anne WHITTEKER (1919-1999), dumviva membro de UEA kaj de ELNA, ano de Societo Zamenhof, mortis la 10-an de marto. Ŝi estis longtempa delegito en Portland (Oregonio, Usono), kie ŝi partoprenis en la organizado de la 57-a UK (1972).