SeaMonkey

SeaMonkey (eo:MarSimio)
	Fenestroj de MarSimio
Programisto	SeaMonkey Council
Lasta stabila versio	2.53.10; (16-a de novembro 2021)
Lasta testa versio	2.53.10 Beta 1; (16-a de oktobro 2021)
Operaciumo	Plursistema
Programlingvo	C++, JavaScript, XML User Interface Language, XML Binding Language
Lingvo(j)	Esperanto[1] kaj aliaj[2]
Evoluigstato	en la evoluo
Programtipo	pako de interretaj programoj
Permesilo	MPL, MPL/GPL/LGPL tri-license
Retejo	SeaMonkey
	v • d • r

MarSimio (laŭvorta traduko de la anglalingva vorto SeaMonkey: Sala salikoko) estas libera retumilo, postantaĵo de Mozilo. MarSimio enhavas en ĝi plurajn programojn inkluzive de TTT-legilo (por HTTP kaj FTP), mesaĝilo por retpoŝto kaj novaĵgrupoj, paĝverkilo, i.a.

En marto 2005, organizaĵo mozila decidis ĉesigi la disvolviĝon de la programo Mozilo kaj anstataŭigi ĝin per Fajrovulpo, sed gastigi postantaĵon fare de la komunumo. Post pluraj monatoj, la stirantaro en julio akiris la varmarkitan nomon SeaMonkey (la kodnomo de Mozilo) kaj komencis uzi ĝin por la programo.

SeaMonkey 1.0 (hipoteze ekvivalento de Mozilo 1.8) estis eldonata je la 30-a de januaro en 2006.