Sahibzada Ajit Singh Nagar

Sahibzada Ajit Singh Nagar
urbo urbego vd
Administrado
Poŝtkodo	140110
En TTT	Oficiala retejo [+]
Demografio
Loĝantaro	146 213  (2011) [+]
Geografio
Geografia situo	30° 43′ N, 76° 43′ O (mapo)30.71944444444476.718055555556Koordinatoj: 30° 43′ N, 76° 43′ O (mapo) [+]
Alto	316 m [+]
Horzono	UTC+05:30 [+]
DEC Situo de Sahibzada Ajit Singh Nagar
DEC Situo de Sahibzada Ajit Singh Nagar
Alia projekto
Vikimedia Komunejo Mohali [+]
v • d • r

Sahibzada Ajit Singh Nagar, panĝabe: ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ, mallonge SAS Nagar estas planita urbego kaj municipo en nordokcidenta Barato, en orienta parto de subŝtato Panĝabo (Barato), en la samnoma distrikto, kies sidejo ĝi estas. La loknomo estas oficiale nomita pri la plej aĝa filo de guruo Gobind Singh. Ĝis 2012 la oficiala loknomo estis Mohali (panĝabe ਮੋਹਾਲੀ).

En 2011 SAS Nagar havis 146 213 (kun la aglomeraĵo 176 152) da loĝantoj kun legoscio 93%, signife pli alta, ol la landa averaĝo.

SAS Nagar situas en montaro en averaĝa alteco de 324 metrojn laŭ la marnivelo kontaktiĝanta kun la subŝtata ĉefurbo Ĉandigaro. Urbomezo de Ĉandigaro troviĝas 7, Ambala 44, Ĥanna 47, Patiala 51, Malerkotla 82, Ludiana 85, Saharanpur 116, tutlanda ĉefurbo Delhio 237, Mumbajo 1363, Kolkato 1470 kilometrojn (aere) [1].

Jam antaŭ 8 mil jaroj tiu areo estis loĝata. Baldaŭe la vilaĝo Mohali estis parto de la Sika Imperio. En 1967 la areo estis evoluigita kiel industria konstruaĵo; tio tiris eventuale konstruadojn de loĝkvartaloj. La urboplano estis prezentita en 1975, poste komenciĝis konstruado de la planita urbo. Mohali evoluis rapide per informa teknologio. Ekde 2006 la distrikto memstariĝis. En la 1960-aj jaroj ĉe alia flanko de Ĉandigaro alia planita urbo Panĉkula naskiĝis, ilia komuna nomo estas Triopo Ĉandigaro.

En SAS Nagar oni produktas traktorojn, krome ĝi estas komerca centro kaj signifa loko de informa teknologio.

En SAS Nagar la oficiala lingvo estas la panĝaba lingvo, tamen la urbego estas multlingva pro la alvenintoj.

En SAS Nagar vivas ĉefe sikoj (51,5%), poste hinduoj (45,5%), islamanoj (preskaŭ 2%), kristanoj (preskaŭ 1%), iomete ankaŭ aliaj.

En SAS Nagar la plej altnivela eduko okazas en 2 universitatoj, pluraj altlernejoj kaj instituto.

La klimato en SAS Nagar estas subtropika kontinenta kun influo de musono. Dum decembro kaj januaro frosto foje okazas. Jare pluvas averaĝe po 617 mm. En ĉiuj monatoj pluvas iomete, tamen pro la musono tre ofte. La jara meza temperaturo estas 24 °C.

SAS Nagar havas stacidomon. Aŭtobusoj trafikas en Triopo Ĉandigaro, krome loke aŭtorikiŝoj. La internacia flughaveno troviĝas tuj apud Ĉandigaro.

• pluraj preĝejoj

• WikiTrans

Portalo pri Barato