Sonogno

Sonogno
	Blazono de Sonogno
	Blazono de Sonogno
	Sonogno
	Sonogno
Kantono	Tiĉino
Distrikto	Locarno
Komunumaro	Verzasca
Koordinatoj	46° 21′ 0″ N 8° 47′ 2″ O / 46.35000 °N, 8.78389 °O (mapo)Koordinatoj: 46° 21′ 0″ N 8° 47′ 2″ O / 46.35000 °N, 8.78389 °O (mapo)
Nombro de loĝantoj	95
Areo	37,52 km²
Alteco	919 m super marnivelo
Poŝtkodo	6637
Komunumkodo	5129
	Mapo de Sonogno
	Mapo de Sonogno

Sonogno estas komunumo de la Komunumaro Verzasca kaj la Distrikto Locarno en Kantono Tiĉino, Svislando. Ĝi havis 95 loĝantojn je la 31-a de decembro 2011.

Geografio

Sonogno situas tute malantaŭe en la Valo Vercasca, proksimume 25 kilometrojn nordoriente de Locarno. Sude de la vilaĝo Sonogno la rivereto Redorta kunfluas kun Verzasca. La komunumo konsistas el la vilaĝo Sonogno kaj la setlejoj Faied (1001 m s.m.), Fraced (1041 m s.m.) kaj Froda (955 m s.m.) en la valo de Redorta, la alpopaŝtejo Püscen Negro (1343 m s.m.), kio atingeblas de Fraced pere de aertelfero, kaj Cabioi (1079 m s.m.), Pinell (937 m s.m.), Secada (992 m s.m.) kaj Vald (1028 m s.m.) ĉe la bordo de la rivero Verzasca.^[1]

La teritorio de la komunumo etendiĝas sur areo de 37,52 km², de kiuj 30,0% estas kovritaj de arbaro, 14,0% servas por agrikulturo kaj 0,5% por setlado. Pli ol la duono de la komunuma teritorio konsistas el altmontara dezerto.^[2]

Najbaraj komunumoj

La komunumo Sonogno limas en nordo al Chironico, en oriento al Frasco, en sudoriento al Cugnasco-Gerra, en sudokcidento al Brione (Verzasca) kaj en okcidento al Lavizarra.

Trafiko

Sonogno situas flanke de la gravaj trafikvojoj. En Sonogno finiĝas la veturebla valvojo tra la Valo Verzasca. Pere de la poŝtaŭtolinio al Locarno la komunumo estas konektita al la publika transportreto.

Historio

La unua dokumenta mencio de Sonogno datiĝas el la jaro 1200 kiel Sornono. Dum mezepoko Sonogno estis flagloko de la valkomunumo Verzasca. De 1395 ĝis 1843 Sonogno formis komunumon kune kun Frasco. En 1843 Frasco kaj Sonogno disiĝis. En la jaro 1974 estis malfermita en Sonogno muzeo pri la Valo Verzasca.^[3]

Apartaĵoj

En Sonogno ludis la fame konata porinfana romano La nigraj fratoj de la germana verkista paro Lisa Tetzner kaj Kurt Held, kiu rakontas la vivhistorion de la knabo Giorgio, kiu devis sin servute vendi al kamenpurigisto en Milano.