Nana betulo

Nana betulo
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj Magnoliopsida Ordo: Fagaloj Fagales Familio: Betulacoj Betulaceae Genro: Betulo Betula Subgenro: Chamaebetula Specio: B. nana L. .
Aliaj Vikimediaj projektoj
Sistematiko en Vikispecioj
Komunejo pri Nana betulo
v • d • r

La nana betulo ^[1] (Betula nana) estas betulospecio el la familio de la betulacoj, precipe trovata en la arktaj tundroj.

Ĝi estas arbedo kiu altas ĝis 1-1,2 metrojn. La arboŝelo ne senŝeliĝas; ĝi estas brilante ruĝ-kuprokolora ^[2]. La folioj estas rondaj, kun diametro de 6-20 mm kaj krude segildentaj folirandoj. Ili ruĝiĝas aŭtune. La amentoj estas starigantaj, longas 5-15 mm kaj larĝas 4-10 mm.

Tiu holarktisa specio estas indiĝena en arktaj kaj mezvarmaj regionoj de norda Eŭropo, norda Azio kaj norda Nordameriko kaj ĝi vegetas ĉe variaj cirkonstancoj. Ĝi estas trovebla en Gronlando. Ekstere de ekstreme nordaj areoj, ĝi kutime nur troviĝas en montaroj super 300 m, ĝis 835 m en Skotujo kaj ĝis 2 200 m en Alpoj. Ĝia orienta areala limo estas je Svalbardo, kie ĝi estas limigita de varmaj ejoj.

Estas du subspecioj :

• Betula nana subsp. nana. Kanado (Bafina Insulo), Gronlando, norda Eŭropo (suden, en Alpoj je altaj altitudoj), nordokcidenta Azio. Junaj ŝosoj estas harkovritaj, sed senrezinaj; la folioj estas pli longaj (ĝis 20 mm), kutime tiel longaj kiel larĝaj.
• Betula nana subsp. exilis. Nordorienta Azio, norda Nordameriko (Alasko, Kanado oriente ĝis Nunavut). La junaj ŝosoj estas senharaj aŭ kun nur disaj haroj, sed rezine ĉirkaŭkovritaj; la folioj estas pli mallongaj (ne super longeco de 12 mm), ofte pli larĝaj ol longaj.

• Arkta marborda tundro
• Listo de foliarboj de la modera klimatzono

Portalo pri Biologio

• angle Specia profilo Arkivigite je 2005-12-15 per la retarkivo Wayback Machine
• angle Referenca listo Arkivigite je 2005-08-29 per la retarkivo Wayback Machine
• angle Flaŭro de Nordameriko : Betula nana
• angle Arealo de Betula nana