Morbid Angel

Morbid Angel
Morbid Angel koncertas en Toronto en 2006.
Bazaj informoj
Deveno	Tampa, Florido
Ĝenroj	mortmetalo
Aktivaj jaroj	1984 — nuntempo
Eldoninto	Combat, Earache, Giant, Candlelight, Roadrunner, New Renaissance, Season of Mist
Retejo	www.morbidangel.com
Membroj
Trey Azagthoth Pete Sandoval David Vincent Destructhor
Antaŭaj membroj
Mike Browning Wayne Hartsell Dallas Ward Richard Brunelle Kenny Bamber Sterling Von Scarborough Steve Tucker Erik Rutan Jared Anderson Tony Norman John Ortega Michael Manson
v • d • r

Morbid Angel (angle Abomena anĝelo) estas usona mortmetala grupo el Tampa, Florido. La britia muzika gazeto Terrorizer taksis ilian debutan albumon Altars of Madness (1989) kiel 1a el "40 la plej grandaj mortmetalaj albumoj". La gazeto Decibel ankaŭ taksis Trey Azagthoth-on, la gitariston de la grupo, kiel la "unua mortmetala gitaristo". La komponaĵoj de la grupo estas kompleksaj en aranĝo, danke al signifaj lertecoj de Azagthoth kaj de la drumisto Pete Sandoval, kiu ankaŭ ludis en la grindcore grupo Terrorizer. Laŭ Nielsen SoundScan, Morbid Angel estas tria el la plej vendantaj usonaj mortmetalgrupoj kun pli ol 445.000 da vendoj de siaj albumoj.^[1] Ilia tria albumo Covenant estas la plej vendata mortmetala albumo kun pli ol 127.000 vendoj.^[2]

Morbid Angel estis fondita en 1984 en Tampa, Florido. La grupo debutis en 1987 ĉe New Renaissance Records. Ili registris sian debutalbumon, Abominations of Desolation, en 1986, sed ne kontentis pro rezulto kaj oni ne eldonis ĝin ĝis 1991. La ĝusta debutalbumo, Altars of Madness, estis eldonita en 1989.

Morbid Angel estis unu el la originaj mortmetalgrupoj subskribitaj al Earache Records, kaj ankaŭ influis sur transformiĝo de la mortmetalo el siaj draŝmetalaj radikoj al sia nuna formo, aldoninte al ĝi graŭlkanton, rapidan blovbaton, netonalecon de gitarsoloj kaj obskuran, densan kaj mezpaŝan takton. Ili estas ankaŭ la unua mortmetala grupo, kiu akiris ian ajn sukceson en amasmedio, subskribiĝinte al Giant Records kaj havante muzikfilmeton por la kanto "God of Emptiness", demonstritan en unu epizodo de "Beavis and Butt-head"

Originaj lirikaj temoj de la grupo fokusis en satanismo, okultismo kaj kontraŭkristanismo, sed komence de Blessed Are the Sick ŝanĝis sin kontraŭ la antikvaj Ŝumeraj dioj, tamen ioma kontraŭ-religia elemento restas en la kantoj. Notinde, ke ili nomis siajn albumojn per alfabeta ordo. Trey Azagthoth komentis en intervjuo, ke tio okazis hazarde dum unuaj du albumoj, sed poste ili faras tion konscie.^[3]

• Trey Azagthoth – gitaro, gitara sintezilo, klavaroj, fona kanto (1984–nuntempo)
• Pete Sandoval – drumaro (1988–nuntempo)
• David Vincent – basgitaro, kanto (1986–1996, 2004–nuntempo)
• Destructhor – gitaro (2008–nuntempo)
• Tim Yeung – sesia drumisto (2010–nuntempo)

• Dallas Ward – basgitaro, kanto (1984–1985)
• John Ortega – basgitaro (1985–1986)
• Sterling Von Scarborough – basgitaro (1986)
• Mike Browning – drumaro, kanto (1984–1986)
• Wayne Hartsell – drumaro (1986–1988)
• Richard Brunelle – gitaro (1985–1992, 1994, 1998)
• Gino Marino – gitaro (1992–1993)
• Erik Rutan – gitaro, klavaroj (1993–1996, 1999–2002, 2006)
• Tony Norman – gitaro (2003–2006)
• Kenny Bamber – kanto (1985)
• Michael Manson – kanto (1986)
• Steve Tucker – kanto, basgitaro (1997–2001, 2003–2004)
• Jared Anderson – kanto, basgitaro (2001–2002)

• Altars of Madness (1989)
• Blessed Are the Sick (1991)
• Covenant (1993)
• Domination (1995)
• Entangled in Chaos (1996)
• Formulas Fatal to the Flesh (1998)
• Gateways to Annihilation (2000)
• Heretic (2003)
• Illud Divinum Insanus (2011)

• Oficiala paĝaro
• Morbid Angel ĉe Myspace