Obernburg

	Obernburg
Obernburg (Germanio)
urba komunumo de Germanio
Administrado
Federacia lando	Bavario
Distriktaro	Malsupra Frankonio
Distrikto	Distrikto Miltenberg
Urborajtoj	Urbo (Stadt)
Telefona antaŭkodo	06022
Poŝtkodo	63785
Aŭtomobila kodo	MIL
Oficiala Municipokodo	09676145
Politiko
Komunumestro	Dietmar Fieger
Partio de komunumestro	CSU
Adreso de la administrejo	Römerstraße 62–64; 63785 Obernburg a.Main
Demografio
Loĝantaro	8801 (stato 2022-12-31) [fonto: landa statistika oficejo]
Geografio
Geografia situo	49° 50′ N, 9° 8′ O (mapo)49.849.1413888888889Koordinatoj: 49° 50′ N, 9° 8′ O (mapo)
Alto super la marnivelo	127 m
Areo	24,83 km²
Oficiala retejo	http://www.obernburg.de
	v • d • r

Obernburg estas komunumo en Germanio. Ĝi troviĝas en la nordo de la distrikto Miltenberg kaj en la distriktaro Malsupra Frankonio de la federacia lando Bavario. Fine de decembro 2022 la komunumo havis 8801 loĝantojn. La teritorio situas en la nordokcidento de Bavario, iom sude de Aschaffenburg, borde de la rivero Majno kaj la odenvalda rivereto Mümling, kiu tie enfluas la Majnon.

Historio

Inter la jaroj 83 kaj 85 post Kristo la romia armeo starigis la fortikaĵon Nemaninga okcidente de la Majno, por sekurigi ĉi tie la limon inter la romia imperio okcidente kaj ĝermana teritorio oriente. La malnova urbo de Obernburg ankoraŭ nun reflektas la fortikaĵajn fundamentojn. Dum la jaroj 259 kaj 260 la ĝermana tribo de Alemanoj venkis la fortikaxjon, sed la loko restis loĝata ankaŭ post la retiriĝo de la romianoj kaj la posta disfalo de la romia imperio. Dum 1313 la urbo ricevis urban statuton de la episkopo de Majenco (Mainz). Ĝis 1803 la urbo apartenis al la episkopejo kaj korona princejo de Majenco. Dum la postaj sep jaroj ĝi apartenis al la "princejo de Aschaffenburg", dum kvar jaroj al la "princejo de Frankfurt", kaj de 1914 ĝis hodiaŭ al Bavario. Ekde la jaro 1972 la antaŭe najbara komunumo Eisenbach [Ajznbaĥ] apartenas al Obernburg.

Urbopartnereco

Partnera urbo estas Aszód en Hungario.

Vidindaĵoj

Vidindas la restoj de la mezepoka urba muro (aparte la Supra Pordego, la Almoza Turo kaj la Ronda Turo), la urbodomo kaj ĉapelo Anna en Obernburg, sed ankaŭ la baroka preĝejo de Eisenbach. Romia muzeo en Obernburg informas pri la lokaj spuroj de tiu epoko antaŭ dumil jaroj, kaj regiona muzeo en Eisenbach pri la postaj jarcentoj.