Haspinga govo

Haspinga govo
Regiono
naturregiono [+]
Lando	Belgio
- koordinatoj	50° 45′ 0″ N, 5° 18′ 0″ O (mapo)50.755.3Koordinatoj: 50° 45′ 0″ N, 5° 18′ 0″ O (mapo)
DEC
Haspinga govo
Vikimedia Komunejo:  Hesbaye [+]
v • d • r

La Haspinga govo aŭ govio (latine Haspinga, nederlande kaj limburge Haspengouw, france Hesbaye, germane Hespengau aŭ Haspengau) estas regiono en la nuna ŝtato Belgio, kiu situas inter la urboj Hasselt, Lieĝo, Namur, Tienen kaj Loveno kaj sude nature limiĝas per la rivero Mozo.

La regiono baziĝas per kalkoŝtona masivo, kovrata per fekunda tavolo de leŭso; sekve temas pri agrikulture intense uzata teritorio.

Naskiĝis tie sankta Chrodegang, episkopo de Metz. Latinlingvaj dokumentoj de la 11-a jarcento en la regiono mencias graflandon Haspinga aŭ pli longe Comitatus Haspinga, kiu baziĝas je pli malnova franka govo, laŭ kiu ekzemple fine de la 8-a jarcento titoliĝis Irmingard, la unua edzino de la franka imperiestro Ludoviko la 1-a, reganto de la Sankta Romia Imperio. El la latina nomo evoluis la nunaj nomoj en la franca, nederlanda kaj germana lingvoj. La teritorio situas ĉe la lingva limo inter la areo de la nederlanda lingvo en Flandrio norde kaj la franca en Valonio sude. Simbola por tiu lingvolima situo estas la paro de loĝlokoj Heure-le-Romain, „romanida Heur“ (ekde la jaro 1977 parto de la municipo Oupeye) kaj Diets Heur „mezepoke nederlanda Heur“ (nun parto de la urba municipo Tongeren).

La govo dividiĝas en:

• pli fekundan, pli ebenan sudan parton, nomata „seka“ pro malpli da rojoj en la teritorio, en kiu amplekse kultiviĝas tritiko, sukerbeto kaj nuntempe maizo, kaj brediĝas bovoj, kaj
• pli montetan nordan parton, nomata „malseka“ pro pli da rojoj en la monteta pejzaĝo, en kiu kultiviĝas fojno por bestobredado respektive kie paŝtiĝas bestoj. Krome tie agrikulture kreskigatas fruktarboj.

• retejo Haspengouw en Belgio nederlande
• retejo Hesbaye en Belgio Arkivigite je 2007-09-29 per la retarkivo Wayback Machine france