Krinau

Krinau
vilaĝo • former municipality of Switzerland
Kantono	Sankt-Galo
Distrikto	Elektodistrikto Togenburgo
Koordinatoj	47° 20′ 0″ N 9° 3′ 0″ O / 47.33333 °N, 9.05000 °O / 47.33333; 9.05000 (mapo)Koordinatoj: 47° 20′ 0″ N 9° 3′ 0″ O / 47.33333 °N, 9.05000 °O / 47.33333; 9.05000 (mapo)
Nombro de loĝantoj	273
Areo	7,27 km²
Alteco	803 m super marnivelo
Poŝtkodo	9622
Komunumkodo	3373
v • d • r

Krinau (en Esperanto ankaŭ Krinaŭo) estas komunumo en la elektodistrikto Togenburgo, Kantono Sankt-Galo, Svislando. Kun nur 273 loĝantojn je la 31-a de decembro 2007 ĝi estas la plej malgranda komunumo en Kantono Sankt-Galo. Ĝis la 31-a de decembro 2009 tiu nombro ankoraŭ malkreskis al 252 personoj.

Krinau situas norokciedente de Wattwil, sudoriente de Mosnang kaj sude de Bütschwil en pitoreska pejzaĝo supre de la valo je alteco de 800 m s.m. La komunumo konsistas el la setlejoj Altschwil, Au, Dreischlatt, Gurtberg, Schuflenberg, Krinäuli, Niederberg, Kapf kaj Gruben. La teritorio de la komunumo etendiĝas sur areo de 7,27 km², de kiuj 2,98 km² estas kovrita de arbaro, 4,02 km² servas por agrikulturo, kaj 0,22 km² por setlado. ^[1]

La komunumo Krinau limas en nordoriento al Bütschwil, en oriento kaj sudo al Wattwil, kaj en okcidento kaj nordokcidento al Mosnang.

Krinau situas flanke de la gravaj trafikvojoj. La komunumo estas atingebla per poŝtaŭtobuslinio ek de Lichtensteig en 8-minuta veturado.

La unua skriba mencio de Krinau datas sub la nomo Krinnow el la jaro 1357. En frua mezepoko Krinau estis feŭdo de la Grafoj de Togenburgo. En la jaro 1510 la komunumo Krinau sin liberaĉetis de ĉiuj feŭdaj ŝarĝoj kaj ek de tiam havis sian propran tribunalon. La alta tribunalo restis sub la Princabatejo Sankt-Galo. Dum la tempo de la Helveta Respubliko inter 1798 ĝis 1803 Krinau apartenis al la komunumo Lichtensteig, en la jaro 1803 ĝi okaze de la fondiĝo de Kantono Sankt-Galo fariĝis memstara komunumo. La komunumo nuntempe (2010) suferas pro formigrado kaj samtempe pro manko de loĝejoj, ĉar multaj loĝejo estas luitaj kiel feriloĝejoj al turistoj.^[2]

• Oficiala retejo de la komunumo Krinau
• Krinau en la Historia Leksikono de Svislando

v • d • r Komunumoj de la elektodistrikto Togenburgo Bütschwil • Ebnat-Kappel • Ganterschwil • Hemberg • Kirchberg • Krinau • Lichtensteig • Lütisburg • Mosnang • Neckertal (Brunnadern • Mogelsberg • Sankt-Peterzell) • Nesslau-Krummenau • Oberhelfenschwil • Stein • Wattwil • Wildhaus • Malnov-Sankt-Johano (Wildhaus • Malnov-Sankt-Johano)