François Michel Le Tellier de Louvois
| François Michel Le Tellier de Louvois | |
|---|---|
 La markizo de Louvois, fare de Ferdinand Voet | |
| Persona informo | |
| Naskiĝo | 18-an de januaro 1641 en Parizo |
| Morto | 16-an de julio 1691 (50-jaraĝa) en Versailles |
| Mortokialo | Apopleksio 
|
| Lingvoj | franca |
| Ŝtataneco | Francio
|
Subskribo 
| |
| Familio | |
| Patro | Michel Le Tellier
|
| Patrino | Elisabeth Turpin de Vauvredin (en) 
|
| Edz(in)o | Anne de Souvré (en)
|
| Infanoj | Louis-Nicolas Le Tellier de Souvré (en) , Madeleine Charlotte Le Tellier (en) , Camille Le Tellier (en) , Louis François Marie Le Tellier (en) , Michel Courtenvau le Tellier (en)
|
| Okupo | |
| Okupo | politikisto
|
François Michel LE TELLIER, markizo de Louvois, (naskiĝis la 18-an de januaro 1641 en Parizo - mortis la 16-an de julio 1691 en Versailles) estis franca ministro kaj ŝtatsekretario dum la reĝado de Ludoviko la 14-a.
Li estis la filo de Michel Le Tellier, markizo de Barbezieux, kaj de Élisabeth Turpin. Li edziĝis kun Anne de Souvré, kun kiu li havis ses infanojn.
Louvois heredis la oficion de ŝtatsekretario pri milito el sia patro, kiam li estis nur 15 jarojn aĝa (li efektive okupis la oficion nur ses jaroj poste, en 1663). En 1672, li fariĝis ŝtatministro, kaj eniris la reĝan konsilion. Danke al intrigo kontraŭ Jean-Baptiste Colbert, li plie obtenis la oficion de "superintendanto pri Konstruaĵoj, Artoj kaj Manufakturoj". Tio ebligis al li fariĝi responsa pri la konstruado de la kastelo de Versailles. En La Jarcento de Ludoviko la 14-a, Voltaire asertas ke Louvois estis "estimita" de la reĝo, sed ne "amita".
La markizo kontribuis al la modernigo de la franca armeo, per la plibonigo de la armiloj, la konstruo de kazernoj kaj la seninterrompa pago de la militistoj. Li ankaŭ provis starigi nacian konskripcion, sed tio parte fiaskis.