Falĉileto

Falĉileto aŭ lunarka falĉileto estas rikoltilo. En la origina senco ĝi estas malgranda falĉilo, duonronde kurba kun manlonga tenilo, por detranĉi grenon aŭ herbon.

Falĉileto estas agrikultura ilo, uzata ankaŭ de ĝardenistoj.

Ĉar per la mala mano oni devas kolekti la falĉitajn herberojn aŭ tigojn, necesas protekti tiun malan manon per metala aŭ alimateriala protekta ganto.

• Falĉileto estis ĉe la antikvaj grekoj simbolo de la agrikulturo kaj tiel insigno de Demetrio.
• Kun martelo ĝi estas komunisma simbolo, kie falĉileto simbolas la agrikulturan laboristan forton kaj la martelo la industrian homforton.
• Laŭ bildrakontoj de Asterikso, la druido kolektis viskon per ora falĉileto.

Kvankam sufiĉe ofte, pro la influo de slavaj lingvoj, oni nomas falĉileton ankaŭ serpo, oni prefere ne konfuzu ĝin kun tiu aŭ hak-tranĉilo, t.e. tranĉa ilo, kun pli-malpli kurba kaj dika klingo, uzata por pritondi arbojn, heĝojn, disfendi lignon ktp, uzata en arbarokulturo.

• Falĉilo
• Serpo
• Rikoltilo
• Haktranĉilo