Duuma nombrosistemo

Duuma nombrosistemo estas pozicia nombrosistemo kies bazo estas 2. Ĝi bezonas nur 2 ciferojn por skribi nombrojn, nome 0 kaj 1.

La nombro 2₁₀ (en la kutima dekuma skribo) duume estas skribata kiel 10 (legu: unu-nul). Ĉiu pozicio de duuma nombroprezento estas 2-oble pli peza ol la antaŭa, t.e. la pezoj de duuma sistemo formas vicon de potencoj de 2: 1, 2, 4, 8, 16, …, 2ⁿ, .. Por skribi dekuman nombron en duuma nombrosistemo, oni ĝin dividu konsekvence per 2 kaj skribu ricevitajn restojn 0 kaj 1 en ordo de la lasta ĝis la unua. Ekzemplo:

43 = 21 · 2 + 1

21 = 10 · 2 + 1

10 = 5 · 2 + 0

5 = 2 · 2 + 1

2 = 1 · 2 + 0

1 = 0 · 2 + 1

Tiamaniere, la duuma skribo de la nombro 43 estas: 101 011

Tia sistemo havas multajn avantaĝojn kaj ĝi estas uzata en komputadaj kalkuloj, sed por ordinara uzo ĝi estas maloportuna.

• Duuma komo
• Duumaj prefiksoj
• Deksesuma nombrosistemo
• Nenegativa entjera potenco de 2