Duuma malliberumo

En la kunteksto de libera programaro, duuma malliberumo (angle binary blob) estas fermit-fonta nur-duumkoda programo sen publike havebla fontkodo. La esprimo kutime rilatas al fermit-fonta kernmodulo ŝarĝita en la kerno de libera operaciumo, kaj estas foje ankaŭ uzita por kodaĵo funkciante ekster la kerno, kiel ekzemple sistemaj mikroprogramaraj bildoj, mikrokodaj ĝisdatigoj, aŭ uzantlandaj programoj.^{[1][2][3][4][5]}

Kiam aparataro-vendistoj disponigas plenan teknikan dokumentaron por siaj produktoj, operaciumprogramistoj povas verki aparatarajn pelilojn por inkludi en la operaciumkernoj. Tamen, kelkaj vendistoj, kiel ekzemple NVIDIA, ne disponigas kompletan dokumentaron por kelkaj el siaj produktoj kaj anstataŭe disponigas nur-duumajn pelilojn (duumajn malliberumoj); tiu praktiko estas plej ofta por GPU-peliloj, retkartoj kaj RAID-kontroliloj.