Göteborg

	Göteborg
	svede Göteborg, latine Gothoburgum, angle Gothenburg, esperante Gotenburgo
	urbo
	Fotomontaĵo
	Blazono
	Blazono
	Oficiala nomo: Göteborg
Ŝtato	Svedio
Situo	Göteborg
- koordinatoj	57° 42′ 25″ N 11° 57′ 59″ O / 57.70694 °N, 11.96639 °O (mapo)
Areo	450 km² (45 000 ha)
- de aglomeraĵo	203,67 km² (20 367 ha)
- de metropolo	3 717 km² (371 700 ha)
Loĝantaro	520 374 (2010)
- de aglomeraĵo	549 839
- de metropolo	937 015
Denseco	1 156,39 loĝ./km²
- de aglomeraĵo	2 700 loĝ./km²
- de metropolo	252 loĝ./km²
Horzono	MET (UTC+1)
- somera tempo	MET (UTC+2)
Poŝtkodo	400 10–418 79
Telefona antaŭkodo	031
	Situo enkadre de Eŭropo Situo enkadre de Eŭropo
	Situo enkadre de Svedio Situo enkadre de Svedio
	urba mapo urba mapo
	Vikimedia Komunejo: Göteborg
	Retpaĝo: www.goteborg.se

Panorama vido de la marhaveno kaj urbo

Koordinatoj: 57° 42′ 25″ N 11° 57′ 59″ O / 57.70694 °N, 11.96639 °O (mapo)

Göteborg (svede, IPA: [jœte'bɔrj]), esperante Gotenburgo, estas la dua plej granda urbo en Svedio. Ĝin fondis en 1619 sveda reĝo Gustavo la 2-a Adolfo. La urbo situas sur la okcidenta bordo apud la elfluejo de la rivero Göta älv.

Gotenburgo estas la dua plej granda urbo de Svedio kun pli ol duona miliono da loĝantoj en la dense loĝata areo kaj preskaŭ 900 000 en Gotenburgo kun ĉirkaŭurboj. La urbo kunkreskis kun apudaj dense loĝataj areoj en la apudaj komunumoj Mölndal kaj Partille.

Kelkaj el la grandaj industriaj konzernoj kiel Volvo, SKF kaj aliaj bone konataj industriaj teknikaj kompanioj kiel ESAB kaj Hasselblad AB ekestis kaj havas siajn ĉefoficejojn en Gotenburgo. Granda parto de la svedaj eksporto kaj importo iras tra la haveno de Gotenburgo, kiu estas la plej granda haveno de Nordio. Gotenburgo estas ĉefurbo de la moderna sveda provinco Västra Götalands län kaj episkopa sidejo de Gotenburga diocezo de la Eklezio de Svedio.

Vidindaĵoj

Servoj

La Universitato de Gotenburgo (svede Göteborgs universitet) estas publika universitato, kiu estis establita en 1891. Kun 37 000 studentoj kaj 6 000 dungitoj, ĝi estas unu el la plej grandaj universitatoj en la nordiaj landoj. La universitato estas konsiderata tre urba, ĉar la plej multaj el ĝiaj konstruaĵoj estas en la koro de la urbo.

La Teknologia Universitato de Ĉalmers (svede Chalmers tekniska högskola) estas privata universitato situanta en Göteborg, kiu estis establita en 1829. Pli ol 11 000 studentoj studas en la universitato. La institucio temigas la kampojn de teknologio, natursciencoj, arkitekturo kaj matematiko.

Famuloj

Esperanto kaj Göteborg

En ĝi okazis la 8-a kongreso de Sennacieca Asocio Tutmonda (SAT) de la 14-a ĝis 18-a de aŭgusto 1928 kun ĉirkaŭ 400 partoprenantoj el 24 landoj. En la kongreso interkonsentiĝis konvencio inter SAT kaj LEA-oj. La kongreso akcentis la kulturan, edukan, ne-politikan kaj kontraŭdogman karakteron de SAT.

En la urbo ankaŭ okazis la SAT-kongreso en 1976 kaj la 88-a Universala Kongreso de Esperanto en 2003.

Tie loĝis la esperantistoj Thorsten Torbjär kaj Märtha Andréasson.

Esperantoplatsen (La Esperantoplaco) estas loko en la distrikto Inom Vallgraven en la centra Gotenburgo.