Boruĝerd

Boruĝerd · بروجرد‎
urbo de Irano ; urbego vd
Administrado
Lando	Irano
Provinco	Lorestano
Telefonkodo	0662
Demografio
Loĝantaro	234 997 (2016) [+]
Loĝdenso	90 loĝ./km²
Geografio
Geografia situo	33° 54′ N, 48° 45′ O (mapo)33.89722222222248.751388888889Koordinatoj: 33° 54′ N, 48° 45′ O (mapo) [+]
Alto	1 573 m [+]
Areo	2600 km² ( 260 000 ha) [+]
Horzono	UTC+03:30
	Boruĝerd · بروجرد‎ (Irano)
	Situo de Boruĝerd · بروجرد‎
Alia projekto
	Vikimedia Komunejo Borujerd [+]
	v • d • r

Boruĝerd (perse بروجرد‎) estas universitata urbego kaj ĉefurbo de la samnoma distrikto en la Provinco Lorestano, en Irano.

Bazaj informoj

Areo: 35 km²
Supermara alteco: 1,573 m
Loĝantaro: 234,997 en 2016
Horzono: UTC + 3:30; somere UTC + 4:30
Telefonkodo: (+98) 66

Geografio

Boruĝerd situas en larĝa kaj fekunda valo de la Zagros-montaro (la plej granda agrikultura tero de Lorestano). Ĥoramabado troviĝas 58, Teherano 315,5 km [1].

Historio

Boruĝerd estas unu el la plej malnovaj iranaj urboj. Ĝi devenis minimume ekde la 9-a jarcento, sed kiel praa loko devenis el la 3-a jarmilo antaŭ Kristo. Medoj bredis ĉevalojn sur la paŝtejoj. Tamen, la loko ŝuldas multon da sia evoluo al la judoj, kiuj venis al Irano. Dum la islama konkero de Irano (637-651) Boruĝerd havis fortikaĵon. Ĝingis-Ĥano kaj la tataroj detruis Boruĝerd kaj Ĥoramabadon. La sekva atakinto estis Timuro. Inter 1500-1700 Boruĝerd estis aparta ŝtato. Spite la detruojn ekde la 10-a jarcento ĝi estis industria, komerca kaj strategia urbo ĝis la 20-a jarcento. La urbego havas signifajn historiajn konstruaĵojn el tiu erao. La urba municipo estis kreita en 1935. Post la revolucio en 1979 kaj dum la Iraka-irana milito Boruĝerd akceptis multajn migrantojn, eĉ estis bombitaj multajn fojojn. Ekzemple sesdek kvin infanoj estis mortigitaj dum bombadoj en bazlernejo. En 2006 sismo mortigis 66 homojn kaj vundis 1400 homojn.