Ajudago

Ajudago
La monto Ajudago vidata de oriento (malantaŭ la loĝloko Partenito)
monto • kabo
Alteco	577 m
Situo	Krimeo (Ukrainio)
Montaro	Krimea montaro
Geografia situo	44° 33′ N, 34° 20′ O (mapo)44.5534.333333333333Koordinatoj: 44° 33′ N, 34° 20′ O (mapo) f4
DEC Situo de Ajudago
Ajudago
v • d • r

Ajudago (ruse Аю-Даг, ukraine Аю-Даг, krime-tatare Ayuv Dağ), ofte nomata ankaŭ "Urso-monto" (ruse Медведь-гора) estas monto sur la Suda Bordo de Krimeo ĉe la loĝloko Gurzufo. La monto altas 577 metrojn, situas tuj ĉe la maro (tute aparte disde la Krimea montaro) kaj laŭ la deveno estas "neefektiviĝinta" vulkano (lakolito). Ajudago estas fama kaj populara natura vidindaĵo de Krimeo.

Vidata de malproksime la monto similas la urson, kiu trinkas la maran akvon. La plej bela punkto por ĝia observado estas la ŝose-turno inter la loĝlokoj Nikito kaj Gurzufo: oni povas vidi la tutan Gurzufan mar-krekon kun la enmaraj rokoj Adalaroj kaj la monton, kiu ŝvebas super Gurzufo.

La monto formiĝis antaŭ proksimume 150 milionoj da jaroj. La ĉefa petro, kiu konsistigas la monton estas diabazo, tamen oni povas trovi ĉi tie pli ol 15 diversajn (ankaŭ tre rarajn) mineralojn. La monto estas kovrita de plejparte foliaj arbaroj.

Laŭ la ofte citata krimea legendo la monto estas grandega ŝtoniĝinta urso, kiu volis eltrinki la maron por kapti la paron de geamantoj, kiuj penis fuĝi en boato.

En la jaro 1960 la monto estis deklarita "natura monumento"; ekde la jaro 1974 ĝia teritorio apartenas al natura rezervejo. Oni povas facile atingi la monton kaj suriri ĝin laŭ bone videbla pado. Oni devas atingi la punkton inter Gurzufo kaj loĝloko Lavrovoje sur la ŝoseo Jalto-Aluŝto kaj piediri suden ĉirkaŭ 20 minutojn.

Oni povas rigardi la fotojn de la monto laŭ la jenaj adresoj:

• [1] Arkivigite je 2007-03-11 per la retarkivo Wayback Machine
• [2] Arkivigite je 2007-03-13 per la retarkivo Wayback Machine
• [3]
• [4] Arkivigite je 2007-03-10 per la retarkivo Wayback Machine

v • d • r Krimea montaro Montoĉenoj Ĉefa montoĉeno • Interna montoĉeno • Ekstera montoĉeno Altebenaĵoj (de okcidento al oriento) Bajdara altebenaĵo • Ajpetra altebenaĵo • Jalta altebenaĵo • Nikita altebenaĵo • Gurzufa altebenaĵo • Babugana altebenaĵo • Ĉatirdaga altebenaĵo • Dolgorukova altebenaĵo • Demerĝia altebenaĵo • Karabia altebenaĵo Rimarkindaj masivoj Agarmiŝo • Ajudago • Bojko • Eĉkidago • Karadago • Koŝko • Paragilmeno • Tepekermeno Rimarkindaj pintoj Ajpetro • Demirkapuo • Ekliziburuno • Kemalegereko • Romankoŝo • Zejtinkoŝo Ceteraĵoj Krimea naturrezervejo • Jalta mont-arbara naturrezervejo