Cerecinos del Carrizal
| Cerecinos del Carrizal | |||
|---|---|---|---|
 | |||
municipo en Hispanio  vd
| |||
|
|
| ||
| Flago | Blazono | ||
| Administrado | |||
| Poŝtkodo | 49125 | ||
| Demografio | |||
| Loĝantaro | 108 (2023) [+] | ||
| Loĝdenso | 6 loĝ./km² | ||
| Geografio | |||
| Geografia situo | 41° 41′ N, 5° 39′ U (mapo)41.683333333333-5.6530555555556Koordinatoj: 41° 41′ N, 5° 39′ U (mapo) [+] | ||
| Alto | 687 m [+] | ||
| Areo | 17,24 km² (1 724 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Cerecinos del Carrizal [+]
| |||
Cerecinos del Carrizal [zereZInos delkariZAL] estas municipo de la provinco Zamoro, en la regiono Kastilio-Leono, Hispanio. Ĝi apartenas al komarko Tierra del Pan, en la centro de la provinco. Cerecinos del Carrizal estas etimologie tradukebla al Ĉerizarbetoj (laŭvorte) aŭ plej verŝajne Cerealejo de la Kareksejo, pro kio aperas tri kanoj en la malsupra duono de la blazono.
Ĝia municipa teritorio estas formata de unusola loĝloko, okupas totalan areon de 17,34 km² kaj laŭ la demografia informo de la municipa censo fare de la INE en 2021, ĝi havis 112 loĝantojn. Ĝi perdis ĉirkaŭ 400 loĝantojn el la mezo de la 20-a jarcento pro la migrado el ruraj zonoj al urboj. Ĝi distas 25 km de Zamoro, provinca ĉefurbo.
Estas atestaĵoj de romia loĝado; en Mezepoko okazis reloĝado. Plej frua mencio estas de 1153 kiel aparteno al la Monaĥejo de San Martín de Castañeda. En 1183, la reĝo Fernando la 2-a de Leono pasigis la loĝlokon al la Ordeno de Sankta Johano kaj ĝi poste suferis pro la militoj kontraŭ Portugalio kaj pro la Milito de Hispana Sendependiĝo.
Tradiciaj enspezofontoj estas agrikulturo kaj brutobredado. Lastatempe kultura kaj rura turismo plie ekgravis (popola arkitekturo, vinkeloj, historia heredo, piedirado).