Kanabo

Kanabo
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Rozaloj Rosales Familio: Kanabacoj Cannabaceae Genro: Kanabo Cannabis
Specioj
Cannabis sativa L. Cannabis indica Lam. Cannabis ruderalis Janisch.
Aliaj Vikimediaj projektoj
Sistematiko en Vikispecioj
Komunejo pri Kanabo
v • d • r

Kanabo (Cannabis) estas genro el la familio de la kanabacoj, kiu kreskas en multaj diversaj klimatoj.

Historie, ĝi estis ĉefe uzata por la produktado de fibroj kaj drogoj: mariĥuano kaj haŝiŝo aŭ farmako. Post ĝia malpermesado, ĝia ĉefa uzo estas por produktado de mariĥuano aŭ haŝiŝo.

Cannabis sativa estas uzata precipe kiel teksaĵplanto, dum Cannabis indica kiel medicina kaj psikostimula planto.

Kanaba manĝaĵo estas manĝaĵo preparita kun kanabo. Ekzemploj enhavas la spackukon.

Kanabaj fibroj estas uzataj por produkti teksaĵojn (ekz. kanabtolojn), ŝnurojn, paperon kaj ankaŭ varmoizoladon.

La efiko de kanabkonsumado varias multe de homo al homo kaj ankaŭ de la kvalito de la herbo, sed jen ĝeneralaj:

• Milda eŭforio, sento de ĝenerala bonfarto
• Malstreĉiĝo aŭ malpliigo de streso
• Pli bona aprezo de humuro, muziko, manĝaĵoj kaj arto
• Sento de konekto inter korpo kaj menso, plezura korposento
• Pliakutiĝo de la sensoj
• Kreiva aŭ filozofia pensado
• Forigado de doloroj, ekz. kapdoloro, kramfoj
• Malpliigo de naŭzo

• Ĝenerala ŝanĝo en konscio
• Pliigita apetito
• Laco, ripozemo
• Malrapido/singardo
• Ruĝaj okuloj
• Buŝa sekeco
• Ĉesoj en linia memoro

• Malfacilo je mallongdaŭra memoro
• Maltrankvileco, zorgoj, paranojo
• Kapdoloro
• Kapturniĝo, konfuzo
• Fizika mallerteco

Studoj pruvas, ke ekzistas ne nur mallongdaŭraj, sed ankaŭ longdaŭraj negativaj efikoj ligitaj al konsumado de kanabo kaŭzantaj dependecon, malaltiĝon de la intelekta kvociento, atakojn al la kardiovaskula sistemo kaj la spira sistemo^{[1] [2]}.

Pli detalaj informoj troveblas en artikolo Medicina kanabo.

Ekzistas efikoj kiuj havas medicinajn utilecon, ekzemple:

• por batali kontraŭ anoreksio;
• por eviti la naŭzon (ekzemple pro kemioterapio);
• por malpliigi dolorojn.

Por havi maksimuman koncentritecon de THC (tetrahidrokanabinol, ĝia ĉefa aktiva substanco) oni devas sekigi la planton en mallumo dum kelkaj tagoj, poste oni prenas la florojn de la femala planto. Poste oni muelas ĝin kaj povas uzi ĝin. Ekzistas multaj manieroj por konsumi kanabon, sed ĉefe estas tri:

Oni povas sole uzi ĝin aŭ miksi ĝin kun tabako por prepari kanabcigaredon aŭ por fumado per pipo. Ofte estas uzataj akvopipoj aŭ vaporigiloj.

Oni povas kuiri manĝaĵon kun kanabo (ekzemple la Spackuko) por pli daŭra ebriado ol fumado, kaj speciale se oni ne volas suferi je la negativaj efikoj de fumado. Oni ankaŭ povas prepari teon de kanabo.

La kultivado kaj prilaborado de kanabo estas ege antikva, la plej maljunaj trovaĵoj en Eŭropa aĝa pli ol 5.500 jaroj. En 2000-jara ĉina medicina teksto legeblas pri kanabo kiel sanilo kontraŭ reŭmatismo kaj malario. Herodoto skribis pri vestaĵoj el kanabaj fibroj. Meze de la 20-a jarcento sintezaj fibroj anstataŭis la kanabajn fibrojn.

Fumado de kanabo estas kontraŭleĝa en plej multaj landoj. Escepto estas la leĝaro pri la nomitaj coffeeshop en Nederlando. Krome en kelkaj lokoj povas esti toleremo al konsumado aŭ tenado de malgrandaj kvantoj.

Kanabo. Ĉu kulpa aŭ senkulpa?, Kontakto, 2013:3

v • d • r Kanabo Specioj Cannabis sativa • Cannabis indica • Cannabis ruderalis Formoj Mariĥuano • Haŝiŝo • Manĝaĵo Tipoj White widow Metodoj de fumado Kanabcigaredo • Pipo • Akvopipo • Vaporigilo • Sitelpipo Komerco Kanabejo • Kontraŭleĝa drogkomerco Leĝo Leĝaro pri kanabo • Milito kontraŭ la drogoj Sano Medicina kanabo Vidu ankaŭ Psikoaktiva drogo • Spico (drogo)