Cañizo (Zamora)
| Cañizo | |||
|---|---|---|---|
 | |||
municipo en Hispanio  vd
| |||
|
|
| ||
| Flago | Blazono | ||
| Administrado | |||
| Poŝtkodo | 49128 | ||
| Demografio | |||
| Loĝantaro | 204 (2023) [+] | ||
| Loĝdenso | 5 loĝ./km² | ||
| Geografio | |||
| Geografia situo | 41° 46′ N, 5° 30′ U (mapo)41.768333333333-5.5033333333333Koordinatoj: 41° 46′ N, 5° 30′ U (mapo) [+] | ||
| Alto | 673 m [+] | ||
| Areo | 41,85 km² (4 185 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Cañizo [+]
| |||
Cañizo de Campos [kaNJIzo deKAMpos] estas municipo de la provinco Zamoro, en la regiono Kastilio-Leono, Hispanio. Ĝi apartenas al komarko Tierra de Campos, en plej nordoriento de la provinco, angule kun la Provincoj Leono kaj Valadolido. Cañizo de Campos estas etimologie tradukebla al Kanejo de Kampoj, alude al kanejoj de la tieaj riveroj, kiuj eble utilis por konstrui la unuajn loĝejojn.
Ĝia municipa teritorio estas formata de unusola loĝloko, okupas totalan areon de 42,01 km² kaj laŭ la demografia informo de la municipa censo fare de la INE en 2021, ĝi havis 220 loĝantojn. Ĝi perdis ĉirkaŭ 800 loĝantojn el la komenco de la 20-a jarcento pro la migrado el ruraj zonoj al urboj. Ĝi distas 40 km de Zamoro, provinca ĉefurbo.
Estas atestaĵoj de prahistoria kaj romia loĝado; en Mezepoko okazis reloĝado en 9-a jarcento, eble fare de mozaraboj; en la 10-a jarcento estis loĝloko Toldanos (Toledanoj) alude al mozaraboj venintaj el Toledo. Tiam ĝi apartenis al la teritorio de Villalpando ĝis la 18-a jarcento. Plej frua mencio estas de la jaro 940.
Tradiciaj enspezofontoj estas agrikulturo kaj brutobredado. Lastatempe kultura kaj rura turismo plie ekgravis (popola arkitekturo).