Comano TI

- La mallongigo TI en Comano TI staras por la svisa Kantono Tiĉino. Por aliaj signifoj de la nomo vidu sub Comano.

Comano
Blazono de Comano
Comano
Kantono	Tiĉino
Distrikto	Lugano
Komunumaro	Vezia
Koordinatoj	46° 2′ 6″ N 8° 57′ 18″ O / 46.03500 °N, 8.95500 °O / 46.03500; 8.95500 (mapo)Koordinatoj: 46° 2′ 6″ N 8° 57′ 18″ O / 46.03500 °N, 8.95500 °O / 46.03500; 8.95500 (mapo)
Nombro de loĝantoj	2000
Areo	2,06 km²
Alteco	511 m super marnivelo
Poŝtkodo	6949
Komunumkodo	5176
Mapo de Comano

Comano estas komunumo de la komunumaro Vezia kaj la distrikto Lugano en Kantono Tiĉino, Svislando. Ĝi havis 2000 loĝantojn je la 31-a de decembro 2011.

Comano situas ses kilometrojn norde de la distriktĉefurbo Lugano sur la montetoj inter la valo de la riveroj Vedeggio en okcidento kaj Casserate en oriento. La komunumo konsistas el la setlejoj Somano di Sopra, Comano di Sotto, Corba, Cortigia, Marlesco kaj Ronchi, kaj kelkaj izolitaj bienoj. ^[1]

La teritorio de la komunumo etendiĝas sur areo de 2,06 km², de kiuj 53,4% estas kovritaj de arbaro, 10,7% servas por agrikulturo kaj 34,0% por setlado. ^[2]

La komunumo Comano limas en nordoriento al Capriasca, en oriento al Canobbio, en sudo al Porza, en okcidento al Cureglia, kaj en nordokcidento al Origlio.

Comano situas flanke de la gravaj trafikvojoj. Tra Comano pasas konekta vojo de Trevano al Cureglia. La plej proksima alveturejo al la svisa aŭtovojo A1, nome Lugano-Nordo, situas 3 kilometrojn okcidente de la komunumo en Manno. Pere de du buslinioj de la loka busreto de la urbo Lugano la komunumo estas konektita al la publika transportreto.

En Comano situas la studioj de la itallingva sekcio de la svisa radio kaj televido SRF.

De la fino de mezepoko ĝis la mezo de la 19-a jarcento la loĝantaro de Comano estis relative stabile proksimume 500 personoj. En la dua duono de la lasta jarcento sub la influo de la kreskanta urbo Lugano la loĝantaro de Comano praktike triobliĝis kaj intertempe kreskis al 2000 personoj.

La unua dokumenta mencio de Comano datiĝas el la jaro 1159 kiel Cumano. Dum mezepoko la Monaĥejo San Pietro in Ciel d'Oro en Pavio posedis bienon kun agroj, kampoj kaj vitejoj en Comano. Ankaŭ la katedrala kapitolo de Como kaj la hospitalo Santa Maria en Lugano posedis bienojn en Comano. En la jaro 1468 Comano fariĝis memstara paroĥo. Dum longa tempo Comano estis kampara vilaĝo. En la dua duono de la lasta jarcento tamen la loĝantaro eksplodis, kaj Comano fariĝis ŝatata loĝloko de la urbo Lugano.^[3]

• Aliaj signifoj de Comano

• Oficiala retejo de la komunumo Comano

v • d • r Komunumoj de la distrikto Lugano Komunumaro Agno: Agno  • Bioggio  • Cademario  • Muzzano  • Vernate Komunumaro Breno: Alto Malcantone  • Aranno  • Miglieglia  • Novaggio Komunumaro Capriasca: Capriasca  • Origlio  • Ponte Capriasca Komunumaro Carona: Carona  • Collina d'Oro  • Grancia  • Melide  • Morcote  • Paradiso  • Vico Morcote Komunumaro Ceresio: Arogno  • Bissone  • Brusino Arsizio  • Maroggia  • Melano  • Rovio Komunumaro Lugano okcidenta kaj Komunumaro Lugano orienta: Lugano Komunumaro Magliasina: Caslano  • Curio  • Magliaso  • Neggio  • Ponte Tresa  • Pura Komunumaro Sessa: Astano  • Bedigliora  • Croglio  • Monteggio  • Sessa Komunumaro Sonvico: Bogno  • Cadro  • Certara  • Cimadera  • Sonvico  • Valcolla Komunumaro Taverne: Bedano  • Gravesano  • Manno  • Mezzovico-Vira  • Monteceneri • Torricella-Taverne Komunumaro Vezia: Cadempino  • Canobbio  • Comano  • Cureglia  • Lamone • Massagno • Porza • Savosa • Sorengo • Vezia