Franz von der Trenck

Franz von der Trenck
Persona informo
Franz von der Trenck
Naskiĝo	1-an de januaro 1711 (1711-01-01) en Reggio di Calabria
Morto	4-an de oktobro 1749 (1749-10-04) (38-jaraĝa) en Brno
Mortis pro	Sinmortigo vd
Mortis per	Toksiĝo vd
Tombo	Kapucena kripto (Brno) vd
Lingvoj	itala vd
Ŝtataneco	Aŭstrio vd
Profesio
Okupo	militisto vd
vd	Fonto: Vikidatumoj
v • d • r

Franz, barono von der Trenck (1-a de januaro 1711, Reggio di Calabria – 4-a de oktobro 1749, Brno) estis aventuremulo kaj soldata komandanto.

Kiel milita komandanto, li tre sukcesis en la milito por la aŭstra heredo kontraŭ Prusio, Francio kaj Bavario. Sed la panduroj de Trenck estis kruelaj. Ili prirabis, rabis kaj murdis. Ekzemple, ili faris pogromon en Česká Lípa aŭ murdis pli ol kvardek loĝantojn de la bavara urbo Cham. Ernst Gideon von Laudon, kun kiu li amikiĝis en Rusio, poste aliĝis al sia regimento kun la rango de kapitano, kaj lia armeo kreskis je 1 500 kapoj ĝis entute 2 500 soldatoj. Tamen Trenck ofendis generalon von Löwenwald. En 1745 li estis malliberigita en Kłodzko kaj, post malvera atesto, estis kondamnita al morto de pagita tribunalo. Ĝi estis ankaŭ puno por la perdita batalo de Žďár la 30-an de septembro 1745, kie, malgraŭ la duobla supereco de la soldatoj, la aŭstra armeo malvenkis. La panduroj de Trenck devis invadi la prusan armeon en la malantaŭo, anstataŭe ili komencis prirabi la prusan tendaron, en kiu, interalie, ili kaptis la trezorejon de la armeo. Maria Tereza lasis la verdikton revizii kaj lia puno estis reduktita al ĝismorta puno en la kastelo Špilberk de Brno. Li havis ĉiun komforton. Li ricevis du ĉambrojn, havis sufiĉe da manĝaĵo kaj akvo, kaj dimanĉe li iris tagmanĝi kun la komandanto de la fortikaĵo. Li poste rajtis loĝi libere en Brno, kie li mortis la 4-an de oktobro 1749.

Li dividis sian posedaĵon. Li donacis parton de ĝi al la urbo Cham, kie furiozis liaj panduroj, parto de ĝi estis donacita al meso por sia peka animo, al la konstruado de mallibereja kapelo, al la malriĉuloj kaj al la unujara filino de lia persona servisto, kiu ankaŭ loĝis ĉe li en Špilberk.

La korpo de Trenck estis entombigita en la kapucena tombo en Brno, kie ĝi estis nature mumiigita. La korpo videblas ĉi tie en vitra ĉerko. En 2017 la korpo estis submetita al komputila tomografio en la Fakultata malsanulejo en Brno sub la gvido de Vlastimil Válek.

Laŭ Trenck estas nomitaj kroataj brando kaj biero.

• Interkrutejo de Trenck

• Bildoj, sonoj kaj videoj pri temo Franz von der Trenck en Vikimedia Komunejo