Museu Nacional d'o Prado

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Museu d'o Prado
Anvista exterior d'o Museu d'o Prado
Situación
Coordenatas	{{{Coordenadas}}}
País	Espanya
Ciudat	Madrit
Información cheneral
Tipo	Bellas Artes
Director	Miguel Falomir
Construcción	Prochecto aprebato en 1786.
Debantadera	19 de noviembre de 1819
Superficie	41.995 m2
Horario	Lunes a sabado 10 a 20 Domingos y festivos 10 a 19
Vesitants	2.536.000 (2014)
Adreza	C/ Ruiz de Alarcón, 23 28014
Telefono	91 330 28 00
Pachina web	museodelprado.es

O Museu Nacional d'o Prado, en Madrit, Espanya, ye un d'os mas importants d'o mundo, asinas como un d'os mas visitaus (l'onceno en 2010).

Singularment rico en cuadros de mayestros europeus d'os sieglos XVI a o XIX, o suyo prencipal atractivo ye en l'amplia presencia de Velázquez, El Greco, Goya (l'artista mas extensament representau en a colección), Tiziano, Rubens y O Bosco, d'el cual poseye as millors y mas extensas coleccions que existen a ran mundial, a o que cal sumar destacaus conchuntos d'autors tan importants como Murillo, Ribera, Zurbarán, Rafael, Veronese, Tintoretto u Van Dyck, por citar solament beluns d'os mas relevants.

Por cronicas limitacions d'espacio, o museu exhibía una selección d'obras de maxima calidat (unas 900), por la cual cosa yera definiu como «a mayor concentración d'obras mayestras por metro cuadrau». Con l'ampliación de Rafael Moneo, se preveyó que a selección exposada creixería en un 50%, con unas 450 obras mas. En chulio de 2011, muit abanzada a reorganización de las salas, a exhibición permanent ha sumau unas 300 obras, por la cual cosa o total exposau plega a 1.150, d'un inventario de mas de 8.600. Amás d'as pinturas, o Prado poseye arredol de 950 esculturas, 6.400 dibuixos, 2.400 gravaus, 800 obchectos d'artes decorativas, 900 monedas y 800 medallas.