Valeria Marini
|
C'l artìcul chè 'l è scrit in
Miranduléś |
La Valeria Virginia Laura Marini, cgnusùda méj cuma Valeria Marini (Róma, 14 ad Maǵ dal 1967), l'è na showgirl, un persunàǵ televiśìṿ, na prudutōra, n'atōra e na stilìsta sardagnōla, sèx symbol di an Nuànta e Dumìla c'n al sò miśùri ad 98 (téti), 62 (fiànc) e 98 (cûl).
L'à catâ 'l sucès in di an Nuànta laurànd a teàt'r in di spetàcui ad Pier Francesco Pingitore dla cumpagnìa Il Bagaglino faghénd di prugràma cuma Saluti e baci, Bucce di banana, Champagne e Rose rosse, prima su Rai 1 e pò su Canale 5. In dal 1997 l'à preśentâ, insém a Mike Bongiorno e a Piero Chiambretti, al 47śum Fèstival ad Sanremo, pò da 'l Dumìla in avànti la s è dada a i reality show faghénd Reality Circus (2006), L'isola dei famosi 9 (2012), Notti sul ghiaccio 3 (2015) e Grande Fratello VIP (2016).
A 'l cìnema l'à laurâ cun Bruno Gaburro in Abbronzatissimi 2 - Un anno dopo (1993) e c'n al catalàṅ Bigas Luna faghénd in dal 1996 la prutagunìsta dla pelìcula Bambola insém a Jorge Perugorría, lavōr ambintâ in Emìglia a Cmać. Dū an dòp l'à recitâ in d'l ùltim film 'd Alberto Sordi, Incontri proibiti. La Marini l'à tòlt part anc a Buñuel e la tavola del re Salomone ad Carlos Saura, a Somewhere dla Sofia Coppola e a Un ragazzo d'oro dal bulgnéś Pupi Avati.
Dòp na relasiòṅ c'n al prudutōr ad film Vittorio Cecchi Gori, in dal 2013 la s è spuśàda cun 'l imprendidōr Giovanni Cottone separànd-as sèg però 'n an dòp.
Filmugrafìa
- 1991 - Crack, regìa ad Giulio Base
- 1992 - Un orso chiamato Arturo, regìa ad Sergio Martino
- 1992 - Gole ruggenti, regìa ad Pier Francesco Pingitore
- 1993 - Abbronzatissimi 2 - Un anno dopo, regìa ad Bruno Gaburro
- 1996 - Bambola, regìa ad Bigas Luna
- 1998 - Incontri proibiti, regìa 'd Alberto Sordi
- 2000 - Corazón de bombón, regìa 'd Alvaro Sàenz de Heredia
- 2001 - Buñuel e la tavola del re Salomone (Buñuel y la mesa del rey Salomón), regìa ad Carlos Saura
- 2004 - In questo mondo di ladri, regìa ad Carlo Vanzina
- 2010 - Somewhere, regìa dla Sofia Coppola
- 2010 - I Want to Be a Soldier, regìa ad Christian Molina
- 2012 - Operazione vacanze, regìa ad Claudio Fragasso
- 2012 - E io non pago - l'Italia dei furbetti, regìa 'd Alessandro Capone
- 2013 - La mia mamma suona il rock, regìa ad Massimo Ceccherini
- 2014 - Un ragazzo d'oro, regìa ad Pupi Avati
Culegamènt estéran
Àtar prugèt
Wikiquote contiene citazioni di o su Valeria Marini
Wikimedia Commons contiene file multimediali su Valeria Marini
