Kalifornia
|
C'l artìcul chè 'l è scrit in
Miranduléś |
 Kalifornia
| ||
 Brad Pitt e la Juliette Lewis in na figùra dal film | ||
| id. 1993 | ||
|---|---|---|
| Regìa: Dominic Sena | ||
| Scritōr: Tim Metcalfe • Stephen Levy | ||
| Atōr: Brad Pitt • Juliette Lewis • David Duchovny Michelle Forbes • Judson Vaughn • Patricia Sill David Milford • Kathy Larson • John Zarchen David Rose • Brett Rice • Mary Ann Hagan | ||
| Müsica: Carter Burwell | ||
| Léngua: Ingléś | ||
| Dürä dal film: 117 minüt | ||
| Nasiōṅ: Stat Unî | ||
Kalifornia (id.) 'l è 'n film thriller dal 1993 ad Dominic Sena, girâ dagnóra tut in dal piàni séchi dal Tennessee, d'l Arkànsas, dal Tèxas e dal Nevàda. I quàtar prutagunìsta David Duchovny, la Michelle Forbes, Brad Pitt e la Juliette Lewis in dal film i faṅ la part ad dū còpi ma in alóra Pitt e la Lewis i 'l ér'n anc in dla vita.
Custâ òt migliòṅ e mèś ad dòlar, al film al 'n à purtâ a cà pôc, sōl dū e quàtar.
Sunt
Brian Kessler (David Duchovny), dutōr in di studi dal crìmin, al vōl scrìv'r un lìbar ch'al faga sù soquànt di masamènt più catìṿ di Stat Unî. Insém a la sò muróśa Carrie Laughlin (Michelle Forbes), ad mistēr futógrafa, al partìs acsè p'r un viàś lung e custóś p'r andàr a tōr śò di scrit e di spunt p'r al sò lavōr.
Par divìd'r-as i cóst, i dū i métan sù n'insersiòṅ par catàr di àtar da purtàr-as sèg, bòṅ anc par spartìr-'s al tèmp ad guìda insìma a la lōr Lincoln Continental. Un dè i gh s pàr'n incónt'r al fust Early Grayce (Brad Pitt) e la sò “gatìna” Adele Corners (Juliette Lewis) par śuntàr-'s a 'l viàś. Chi lōr dū i èṅ śbucâ e gréś cuma la śmalta ma i vènan tòlt sù listés. Sōl in un secónd tèmp a s vèṅ a savér che Early 'l è 'n óm scapâ via da parśòṅ e ch'l è dimóndi periculóś.