Al scòunter ed siviltê
|
C'l artìcol chè 'l è scrit in
Carpśàn |
"Al scòunter ed siviltê" ("The Clash of Civilizations" in ingléś) 'l è 'n lìber ed Samuel P. Huntington publichê in Amèrica in dal 1996.
«
It is my hypothesis that the fundamental source of conflict in this new world will not be primarily ideological or primarily economic. The great divisions among humankind and the dominating source of conflict will be cultural.»
(EN)(pcunsèin dal Scòunter del siviltê, 1996)
«
Quèl ch'a pèins 'l è che, in cal mond nōv chè, quèl ch'a farà tachèr el guèri i n'sràn minga tant del ragiòun econòmichi o ideològichi, mo s'ocòr, culturèli.»
(CARPŚ)
Sunt
'L avtōr al cata che 'l mond gnû fóra dala fin edla guèra frèda al se sìa spustê dala diviśiòun in prim, secònd e ters mond, vers na diviśiòun in soquànt gròs pcòun ed Tèra spartî da 9 gròsi siviltê ch'a gh'èm.
Ed fròunt a soquànti siviltê dimòndi prolìfichi e ch'i rivaràn presti anc ala só moderniśasiòun, a 'l siviltê ocidentèli a n'gh'armagnarèv èter che difènder la só cultùra, che altrimèinti la gnarèv schisèda da chegli ètri nasiòun più śóvni e forti.