Nurvégia
| C'l artìcul chè 'l è scrit in Miranduléś | 
|
La Nurvégia (denuminasiòṅ uficiàla: Régn ad Nurvégia, in bokmål: Kongeriket Norge, in nynorsk: Kongeriket Noreg, Norvegia in Itagliàn) l'è na nasiòṅ dl'Europa dal nòrd ch'la s cata in dla penìśula scadinàva. La gh'à anc gl'ìśuli Svalbard (davśèṅ a 'l Pôl Nòrd), l'ìśula ad Jan Mayen (a 'l lârg dal còsti dla Gruenlàndia) e l'ìśula Bouvet davśèṅ a 'l Antàrtid.
La gh'à na pupulasiòṅ ad 5.550.203[1] (2024) abitànt e na superfìsi ad 385.207[2] km². La cunfìna cun la Śvèsia e èst, cun la Finlàndia e cun la Rùsia a nòrd-èst, mént'r a sud a gh'è 'l Skagerrak ch'al la divìd da la Danimàrca. L'è divìśa in daśnóṿ cuntéi ciamàdi fylker.
A cap dal stat a gh'è 'l rè, la sò capitàla l'è Òślo e la n fà minga part dl'Ugnòṅ Europea. La sò léngua 'l è al Nurvegéś ch'al s divìd a sò vòlta in dū: al Bokmål e al Nynorsk. Da quànd in di an Ssanta i gh'aṅ catâ al petròli, la Nurvégia l'è dvintàda la nasiòṅ più rica dal cuntinènt.
Nòti
- ↑ Population, january 01 2024, Statistics Norway Accessdate=2024-02-27
- ↑ Arealstatistics for Norway 2020, Kartverket, mapping directory for Norway Accessdate=2020-03-07
