Vincere
|
C'l artìcul chè 'l è scrit in
Miranduléś |
 Vincere
| ||
 Filippo Timi in na figùra dal film | ||
| Vìnsar 2009 | ||
|---|---|---|
| Regìa: Marco Bellocchio | ||
| Scritōr: Marco Bellocchio • Daniela Ceselli | ||
| Atōr: Giovanna Mezzogiorno • Michela Cescon Filippo Timi • Corrado Invernizzi • Marco Spiga Bruno Cariello • Alberto Cracco • Simona Nobili Fausto Russo Alesi • Pier Giorgio Bellocchio | ||
| Müsica: Carlo Crivelli | ||
| Léngua: Itagliàṅ • Tedésc • Emigliàn-rumagnôl | ||
| Dürä dal film: 128 minüt | ||
| Nasiōṅ: Itàglia • Frància | ||
Vincere (Vìnsar) 'l è 'n film stòric, biugràfic e dramàtic dal 2009 ad Marco Bellocchio ch'al 'l à scrit insém a la Daniela Ceselli. La futugrafìa l'è 'd Daniele Ciprì.
La pelìcula, ch'l'à vins òt Dàvid ad Dunatèl, l'è stada preśentàda a 'l 62śum Fèstival ad Cannes e a 'l Fèstival dal cìnema internasiunàł 'd Chicago.
Sunt
In dal 1907 l'Ida Dalser (Giovanna Mezzogiorno) la gh'à la manéra 'd tōr part fra 'l pùblic a 'n dibàtit dimóndi sćèt in na cà dal pòpul fra 'n śōvan sucialìsta rumagnōl, Benito Mussolini (Filippo Timi), e 'n prēt. Al pulìtic al dà adòs a la Céśa dgénd che Dio al n eśìst minga e che c'n al budèli d'l ùltim papa a strusarém 'l ùltim rè. Sèt an dòp la dóna l'incróśa incóra Benito a Milàṅ e la taca na stòria 'd amōr sèg. Par finansiàr i sò prugèt pulìtic, l’Ida la gh ślunga anc di bèsi ma pò l'armàng gravda méntar lò, dvintâ in cal méntar diretōr d'l Avanti!, al partìs par la prima guèra mundiàla dòp avér-la spuśàda.
La Dalser la dà a la luś un putèṅ ciamâ Benito Albino (Fabrizio Costella) ma quànd Benito al tórna a cà al la para via, adès al s è mis cun na dóna ch'la dascór in dialét, la Rachele Guidi (Michela Cescon), e al n in vōl piò savēr ad lē, al pénsa sōl a la pulìtica esénd dvintâ 'l cap dal fasìśum.
L’Ida la n mòla minga e l'insìst 'd èsar la mujér dal Duce ma 'l sertificàt 'd matrimòni al n s cata briśa e lē la finìs in un manicòmi purtâ avànti da dal sōri mént'r al sò baghét al crés a cà 'd sò cugnâ Riccardo Paicher (Fausto Russo Alesi).