Tompin
| Tompin Temporal range: Early Oligocene – Recent
| |
|---|---|
| |
| Northern flying squirrel (Glaucomys sabrinus) | |
Scientific classification 
| |
| Domain: | Eukaryota |
| Kingdom: | Animalia |
| Phylum: | Chordata |
| Class: | Mammalia |
| Order: | Rodentia |
| Family: | Sciuridae |
| Subfamily: | Sciurinae |
| Tribe: | Pteromyini Brandt, 1855 |
| Genera | |
|
Aeretes | |
Tompin (ngaran saintifik nopo nga Pteromyini toi ko' Petauristini) nopo nga tinimungan tinaru montok 50 kawo bosing id paganakan Sciuridae. Sundung do ngaran dupot diti 'tupai terbang' id malayu, aiso kabaalan do tumulud miagal do tombolog toi ko' pungit nga kaanu mingkuhus id puun kumaa id puun suai miampai kouhupan patagium, iso salaput kulit kihulu miagal payung tuhun i lumanat mantad siku gisom tampangil. Tikiu do anaru nogi nga popotounda kosulimbangan mamaso mingkuhus. Tumanud anatomi, miagal kopio iti do bosing suai miampai piipiro kosimbanan montok popisokoyut do woyo koposion dau; tulang do tinan di lobi anaru om tulang longon, tulang gakod, om tompok vertebra nopo nga lobi oniba. Kaanu tompin diti do mongumolig do ralan mingkuhus momoguno do longon om tikiu.
Ponoriukan molekul popokito do tompin monofiletik (mantad ido filum/klad aiso raan id filum dau) om mantad 8-20 noribu toun dilaid. Genus Paracitellus nopo nga sakag timpuunon montok tompin ontok Oligosen Akhir.Kogumuan nokturnal om maserba mangakan tua'-ua, linso, sobul, bunga, songongi, gastropod, korut, kulat, tontolu' tombolog, sap puun om tanak tombolog. Osusu tanak diti id rumun miampai poimbulagoi om oluhoi. Tamangan ii do tama dau om kaanu miluda do kabaalan mingkuhus soira piipiro minggu. Mantad dii, nokotounda yau montok mogidu mantad rumun.