[go: up one dir, main page]
Pergi ke kandungan

Adibah Amin

Mantad Wikipedia
Adibah Amin

SMJ
Adibah Amin maso di tomulok po
Kinosusuon
Khalidah Adibah bt Amin

(1936-02-19) 19 Mansak 1936 (umul 88)
Johor Bahru, Johor, British Malaya (now Malaysia)
MomogunMalaysian
Ngaran suaiSri Delima
Kalaja
  • Monunuat
  • columnist
  • mongingia'
  • mimingkono
  • linguist
MolohingZainon Munshi Sulaiman (mother)
Nota
1950 - 2010

Khalidah Adibah binti Amin SMJ (nosusu ontok 19 Mansak 1936), i ointutunan sabaagi Adibah Amin, nopo nga monunuat, kolumnis, mongingia', papadalin om mimingkono do Malaysia.[1][2]

Biografi

[simbanai | simbanai toud]

Nosusu id Johor Bahru, nakalantoi isido mantad sikul takawas English-Medium om Universiti Malaya (1957). Mantad 1958 gisom 1961, mongia' isido Boros Melayu om Boros Inggiris id Malay Girls College Kuala Lumpur. Sumusuhut, mongia' isido id Language Institute om Sikul Alam Shah, koduuduo dii nopo nga hilo id Kuala Lumpur om nosiliu luguan mongingia' tondu koiso id sikul Jalan Kolam Ayer [dinondo nopo di nga Seri Puteri School id Cyberjaya] miampai iso kawagu tonggungan id Institut Boros pogulu nakaawi do perkhidmatan id pondidikan.

Kumalaja isido sabaagi jurnalis montok suat abal New Straits Times mantad 1971 gisom 1984 om kalaps dii kumalaja id The Star maamaso di 1990-an. Hondomon i Adibah do ogumu moobosoros do Inggiris sabaagi monunuat di lajur id New Straits Times, hinonggo iti nopo nga sinuat disido di toun 1970-an om 1980-an momoguno do ngaran Sri Delima. Pinosoliwan kawagu o ponuatan dii id bontuk do buuk di toun 2009.[3]

Pakalajaan sastara

[simbanai | simbanai toud]

Ponuatan di Adibah nopo nga kohompit no tolu novel id suang do boros Melayu: Bangsawan Tulen ("Aristokrat di Pointopot", 1950), Seroja Masih di Kolam ("Hilo kasari po kulam i Tolipuk", 1972, pinadalin kumaa Jepun di toun 1986), om Tempat Jatuh Lagi Dikenang ("Hondomon nopo Kasari o Kinorotuon", 1985). Minonuat nogi isido lobi ko' 200 drama rodiu om suniba.[4] Minisokodung isido miampai The Star om New Straits Times montok poposoliwan do artikel kokomoi poingkuro do mooboros do Boros Melayu miampai otopot.[5]

Nokohompit nogi isido montok papadalin do sastara mantad boros Melayu kumaa boros Inggiris: "No Harvest but a Thorn", sinuat di Shahnon Ahmad om "Jungle of Hope" sinuat di Keris Mas, om nogi hiis sinuat di Usman Awang. Nokoimbulai nogi isido id tolu filem: Adik Manja, (1980), Hati Bukan Kristal (1989), om Mat Som (1990).[6]

Di toun 2008, noontok isido do toruol strok. Hali pia au nakakung, au no di isido milo do kumalaja.

Gaa

[simbanai | simbanai toud]
  • Mimingkono Mongunguhup Kusai Bobos Tosonong id suang do Festival Filem Malaysia kumoiso di toun 1980 miampai watak sabaagi 'Adik Manja.
  • Nakaanu do Titah Mahkota Johor (SMJ) mantad do Sultan Johor (1983)[7]
  • S.E.A. Anugerah Tulis, Thailand (1983)
  • "Tutungkap Esso-Gapena" montok sokodung disido kumaa koburuon do kosusastaraan (1991)
  • Wartawan bobos nakalantoi pogun mantad di Koisaan Wartawan Malaysia (1996)
  • Johore Tutungkap Sastera (1996)
  • Tutungkap Tun Razak sabaagi sokodung di osonong kopio montok koburuon pondidikan om popoimbulai piupakatan om kataranangan do mogigion id Malaysia (1998)
  • Tutungkap Papadalin Kabansaan (2012)
  • Gaa khas jurnalistik Institut Akhbar Malaysia (2013)[8]
  • Nomolohou sabaagi "Tokoh Cemerlang Malaysia" (2014)

Sukuon

[simbanai | simbanai toud]
  1. ↑ "From Zero to Hero". This End of the Rainbow. Linoyog ontok 28 March 2015.
  2. ↑ "Amin, Adibah (1936–)". Encyclopedia.com. Linoyog ontok 28 March 2015.
  3. ↑ "As I was Passing by Adibah Amin". Taylor's Library. Linoyog ontok 28 March 2015.
  4. ↑ Amin, Adibah (2006). This End of the Rainbow: A Novel. Phoenix Press. ISBN 978-983-42627-6-1.
  5. ↑ Adibah Amin - in: Pogadaev, V. Malay World (Brunei, Indonesia, Malaysia, Singapore). Lingvostranovedchesky Dictionary. M.: "Vostochnaya Kniga", 2012, p. 34-35
  6. ↑ A. F. Yassin Ahmad Fadzli Yassin.Sembang sastera bersama orang persuratan. Shah Alam: Fajar Bakti, 1998
  7. ↑ "Ketua Udara mengetuai senarai penghormatan Johor", New Straits Times, 8 April 1983.
  8. ↑ Adibah Amin terima Anugerah Khas MPI-Petronas 2013 - "Utusan Malaysia", 26 April 2014

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Adibah_Amin&oldid=16483"