Julian Brüning
Julian Brüning (roź. 1994 w Baršću) jo nimski politikaŕ (CDU). Wón jo cłonk Bramborskego krajnego sejma a jo był wót 15. septembra 2015 až do 16. decembra 2023 krajny pśedsedaŕ Młodeje unije w Bramborskej.
Žywjenje
[wobźěłaś | žrědłowy tekst wobźěłaś]Brüning jo w Drjowku wótrosł a jo absolwěrował 2013 swóju abituru na Pücklerowem gymnaziju w Chóśebuzu.
Brüning jo zastupił 2013 do CDU a młodeje unije.[1] Wót 2015 jo wón pśisedaŕ w krajnem pśedsedaŕstwje CDU Bramborska ako teke krajny pśedsedaŕ Młodeje unije Bramborskeje. Pśi wólbach krajnego sejma w Bramborskej 2019 jo se wuzwólił wó krajnej lisćinje w Bramborskem krajnem sejmje (lisćina cłonkow Krajnego sejma Bramborskeje (7. wólbna perioda). Wón sejźi za frakciju CDU we wuběrkach za rolnikaŕstwo, wobswět a šćit klimy, za wědomnosć, slěźenje a kulturu ako teke za infrastrukturu a krajne planowanje.
Towarišnostny angažement
[wobźěłaś | žrědłowy tekst wobźěłaś]Brüning jo cłonk Domowiny a pśedsedaŕ muzeja "Serbska tkajaŕska śpa" w Drjowku. Mimo togo jo cłonk w sportowych towaristwach SV Einheit Drebkau, SV Leuthen / Klein Oßnig a SC Spremberg 1896.