Špańska

Špańska (špański España) jo kralojstwo, kótarež lažy zwětšego na Iberiskej połkupje w krotkowjacornej Europje. Jogo susedy su Francojska a Andorra na pódpołnocy, Portugalska na pódwjacorje a k Zjadnośonemu kralojstwu słušajuca połkupa Gibraltar na pódpołdnju. K Špańskej słušaju mimo teritorijow na europskej twardej zemi teke Baleary w Srjejźnem mórju, Kanariske kupy w Atlantiskim oceanje a enklawje Ceuta a Melilla w pódpołnocnej Africe, kótarejž granicujotej z Marokkom.

Kralojstwo Špańska

geografiske połoženje:
wuzwólone gronko: „Plus Ultra“
zakładne daty:
mě swójske	Reino de España
stolica	Madrid
płoń	504 782
wobydlaŕstwo	44 708 964 (2006)
gustosć zasedlenja	88,39
głowny reprezentant stata:	kral Felipe VI.
šef kněžaŕstwa:	premierminister Pedro Sánchez
pjenjeze:	euro
oficielna rěc:	špańska
narodna hymna:	Marcha Real
casowa cona:	UTC+1
znamje za wósobowe awta:	E
internetowa domena:	.es
telefonowe pśedwólenje:	+34
kórta:
p • d • w

W zajźonosći jo słušała Špańska k nejmócnjejšym kolonialnym mócnarstwam swěta, cogoždla se až do źinsajšnego pśedewšym w Pódpołdnjowej a Srjejźnej Americe kaž teke na Filipinach špański powěda. Wót 1. januara 1986 jo Špańska cłonk Europskeje unije.

Špańska stolica jo Madrid, kótaryž se pśisamem w srjejźišću kraja namaka.