Cyfystyr (tacsonomeg)

Cyfystyr (tacsonomeg) (Saesneg: synonym) ydy enw gwyddonol sy'n cyfeirio at grwp o organebau (neu tacson) sydd, bellach, ag enw gwahanol.

Madfall ddŵr Bosca, aelod o'r urdd *Caudata* neu *Urodela*. Mae'r gair Lladin *Caudata* a'r gair Groeg *Urodela* ill dau'n golygu "gyda chynffon", ac wedi'u defnyddio dros y blynyddoedd fel geiriau gwyddonol, swyddogol. Dywedir, felly, fod *Caudata* a *Urodela* yn gyfystyron.

Er enghraifft defnyddiodd naturiaethwr o'r enw Linnaeus yr enw gwyddonol "Pinus abies" (y gair cyntaf am y math hwn) ar goeden a elwir yn Saesneg yn "Norway spruce"^[1]. Does neb yn defnyddio'r hen enw hwnnw bellach; cyfystyr ydy'r gair o'r gair gwyddonol, cydnabyddiedig, swyddogol Picea abies.

Yn wahanol i ystyr arferol y gair "cyfystyr", nid ydym yn defnyddio'r cyfystyron hyn yn lle'r gair cydanbyddedig; hen eiriau ydyn nhw nas defnyddir, bellach. Un term cywir sydd, a'r enw gwyddonol yw hwnnw.

Cyfeiriadau

↑ Gwefan British Wild Plants; adalwyd 06/08/2012

[1] Gwefan British Wild Plants; adalwyd 06/08/2012

[1]