Victoria Woodhull

Victoria Woodhull
Ganwyd	Victoria California Claflin  23 Medi 1838  Homer
Bu farw	9 Mehefin 1927  Bredon
Man preswyl	Unol Daleithiau America
Dinasyddiaeth	Unol Daleithiau America
Galwedigaeth	brocer stoc, ymgyrchydd dros bleidlais i ferched, golygydd, gwleidydd, newyddiadurwr, ymgyrchydd dros hawliau merched, llenor
Plaid Wleidyddol	Y Blaid dros Hawliau Cyfartal
Priod	Canning H. Woodhull, James Blood, John Martin
Plant	Byron Woodhull, Zula Maud Woodhull
Gwobr/au	'Hall of Fame' Cendlaethol Menywod
llofnod

Ffeminist Americanaidd oedd Victoria Woodhull (23 Medi 1838 - 9 Mehefin 1927) sy'n cael ei hystyried yn nodigedig am ei gwaith fel brocer stoc, ymgyrchydd dros bleidlais i ferched, golygydd, gwleidydd, a newyddiadurwr. Yn 1872, ymgeisiodd am Arlywyddiaeth yr Unol Daleithiau; gan fod cyfansoddiad UDA yn mynnu oedran o 35 (a hithau'n iau na hynny), mae rhai'n diystyru ei hymdrech.

Ganed Victoria Claflin Woodhull yn Homer (Ohio) ar 23 Medi 1838; bu farw yn Bredon, lloegr ac fe'i claddwyd yn Tewkesbury.^{[1][2][3][4][5]}

Bu'n briod i Canning H. Woodhull ac roedd Byron Woodhull a Zula Maud Woodhull yn blant iddi; pan briododd, newidiodd ei henw i Victoria Woodhull Martin. Bu briod deirgwaith.

Roedd yn gymarol wleidyddol ei natur, ac yn ystod ei hoes bu'n aelod o'r Blaid dros Hawliau Cyfartal.

Ynghyd â'i chwaer, Tennessee Claflin, hi oedd y fenyw gyntaf i weithredu cwmni broceriaeth ar Wall Street, gan wneud ffortiwn (am yr ail dro). Roeddent ymhlith y menywod cyntaf i sefydlu papur newydd yn yr Unol Daleithiau, y Woodhull a Claflin's Weekly, a ddaeth allan o'r wasg yn 1870.^[6]

Roedd Woodhull yn weithgar yn wleidyddol ar ddechrau'r 1870au, pan gafodd ei henwebu fel yr ymgeisydd benywaidd cyntaf ar gyfer llywyddiaeth yr Unol Daleithiau. Yn 1872 roedd yn aelod o'r Blaid Hawliau Cyfartal, gan gefnogi pleidlais menywod a hawliau cyfartal; ei chyfaill-gwaith (running mate) oedd yr arweinydd du, a'r diddymwr, Frederick Douglass. Cafodd archwiliad o'i gweithgareddau pan gafodd ei harestio, gyda'i hail ŵr, Colonel James Blood, a'i chwaer, ar gyhuddiadau o ysgrifennu pethau anweddus, a hynny ychydig ddyddiau cyn yr etholiad. Roedd ei phapur-newydd wedi cyhoeddi adroddiad ar y berthynas honedig rhwng y gweinidog Protestanaidd amlwg Henry Ward Beecher ac Elizabeth Tilton, adroddiad a oedd ychydig yn fwy manwl nag a ystyriwyd yn briodol ar y pryd.^[7] Cafwyd cryn ddadlau am sensoriaeth ar y pryd, a rhyddhawyd y tri chwe mis yn ddiweddarach.

Bu'n aelod o Gymdeithas Ryngwladol y Gweithwyr am rai blynyddoedd. ^[8][9]

• Dros y blynyddoedd, derbyniodd nifer o anrhydeddau, gan gynnwys: 'Hall of Fame' Cendlaethol Menywod (2001)^[10] .