Benjamin Piercy

Benjamin Piercy
Ganwyd	16 Mawrth 1827  Trefeglwys
Bu farw	24 Mawrth 1888  Llundain
Dinasyddiaeth	Cymru
Galwedigaeth	peiriannydd, peiriannydd sifil
Plant	Ethel Mary Piercy, Eva Gertrude Piercy, Robert Charles Piercey, Arabella Margaret Piercy

Roedd Benjamin Piercy (16 Mawrth 1827 – 24 Mawrth 1888) yn beiriannydd sifil. Roedd yn gyfrifol am ddatblygu rheilffyrdd yng Nghymru, yr Eidal, Ffrainc ac India, ac mae hefyd yn adnabyddus fel datblygwr syniadau a busnesau amaethyddol ac fel entrepreneur.^[1]

Hyfforddwyd Benjamin yn swyddfa'i dad, sef Robert Benjamin,  syrfëwr tir yn siroedd Trefaldwyn, Dinbych a Fflint a phartner busnes Brunel. Ar ôl derbyn ei radd mewn Peirianneg Sifil ym 1847, daeth Benjamin yn brif gynorthwywr i Charles Mickleburgh, syrfëwr ac asiant tir yn Sir Drefaldwyn.^[2] Yn 1851 gofynnodd Henry Robertson am ei gymorth i baratoi cynlluniau ar gyfer rheilffordd newydd o'r Amwythig i Gaer, ac yn ddiweddarach ar gyfer rheilffordd o Groesoswallt i'r Drenewydd. Cafodd lwyddiant mawr yn ennill cymeradwyaeth seneddol ar gyfer y linell hon, er gwaethaf gwrthwynebiad cryf gan wrthwynebydd eraill. Ac ers hynny bu a'i fus ym mriwes bron pob prosiect rheilffordd a fu yng Nghymru. Ystyrir ffosydd Talerddig ffos yn weithiau perianyddol o bwys yn ogystal â phontydd dros yr Hafren, y Mawddach a'r Traeth Bychan afonydd a gorsafoedd arbennig iawn yng Nghroesoswallt a'r Trallwng.

Yn 1855, priododd Sarah Davies, a symudodd i Wrecsam. Cawsant dri mab a chwe merch. Ar 8 Ionawr 1861 cafodd ei ethol yn Gadeirydd Sefydliad y Peirianwyr Sifil^[3]

Yn 1863, gyda Savin enillodd y contract ar gyfer y gwaith o adeiladu rheilffordd y Vendée - o Tours i'r Sables d'olonne.^[4]

Piercy oedd Prif Beiriannydd y gwaith o ddatblygu Rheilffordd Assam yn India, gan ei ymestyn i Burma.

Ym 1881 fe brynodd Neuadd Marchwiail ar gyfer y teulu ac yno y bu'n byw, gan ddatblygu strwythur rheilffyrdd Gogledd Cymru ymhellach er mwyn manteisio ar y mwynau newydd a gloddiwyd o'r tir.