Хепбёрн Одри

Одри Хе́пбёрн (акăл. Audrey Hepburn), çуралнă чухне Одри Кэтлин Растон (акăл. Audrey Kathleen Ruston; çу, 4 1929 — кăрлач, 20 1993) — американ актриси тата фотомоделĕ. «Оскар» парнине«Рим кану кунĕсем» фильмри хĕрарăм паха ролĕшĕн 1953 çулта тивĕçнĕ, çаплах тăватă хутчен (1954, 1959, 1961 тата 1967) çулсенче çак парнене тивĕçме ăмăртăва кĕртнĕ.

Одри Кэтлин Растон^[1] 1929 çулхи çу, 4 Брӳсселре çуралнă. Вăл Джон Виктор Растонпа (John Victor Ruston) Элла Ван Хеемстра (Ella van Heemstra) баронессăн , голланд аристократ çемьинче пĕртен-пĕр ача пулнă. Ăратра франци дворянĕсем тата англи монархĕсем (сăмахран, Эдуард III патша^[2]). Джон Растона Хепбёрн биграфĕсем анкăл-ирланд банкирĕ теççĕ, анчах та вăл ирланд та, банкир та пулман. Каярах вăл Хепбёрн (Hepburn) ятне хăйĕн хушамачĕ çумне хушать: Хепбёрн-Растон. Одрин çурма тăван пиччĕш: Александр тата Ян Ван Уффорд — вĕсен ашшĕ голланд аристокрачĕ Хендрик ван Уффорд.

Хепбёрн Англири, Нидерландсенчи харпăр шкулсенче вĕреннĕ. Унăн амăшĕ çирĕп кăмăллă, ашшĕ çемçе кăмăллă пулнă, çавăнпа хĕрача ашшĕпе ытларах калаçнă. Одри пĕчĕк чухнех вăл çемьене хăварать. Нумай çул иртсен Хĕрлĕ Хĕрес урлă Одри ашшĕне Дублинра шыраса тупать, пулăшса тăрать. ^[3]

Ашшĕпе амăшĕ 1935 çулта уйрăлсан Хепбёрн Арнемре (Нидерландсем) амăшĕпе пурăнать. Иккĕмĕш Тĕнче вăрçи пуçлансан нимĕç оккупацине лекет. Çак вăхата вăл хăйĕн амăшĕн докуменчĕсене улăштарса (Элла Ван Хеемстра) Эдда Ван Хеемстра суя ят йышăнать — «акăлчан» ячĕпе çӳреме хăрушăллă шутланнă. Çавна пула нумай çын ^[3] халĕ те ^[4], çак ят (Эдда Ван Хеемстра) Одри Хепбёрнăн чăн ячĕ тесе шухăшлаççĕ. Официаллă документпа артист — метрика Одри Кэтлин Растон.

Кинора юлашки хут тăрăшна хыççăн Хепбёрна ЮНИСЕФ ятарлă элчи ĕçне хушаççĕ.^[5],^[6]

Сомалире пулнă чухне унăн хырăм таврашĕнче чăтайми ыратма тытăнать. Одри никама та макăрса кăтартмасть, çӳрев программине ăнăçлах вĕçлет. Тухтăр патне Африкăран таврăнсан кăна çитет. Тухтăр унăнне рак палăртать. Одри Хепбёрн 1993 çулхи кăрлач, 20 Лозаннăран инçех мар, швейцар пĕчĕк Толошеназ паççулкинче, куçне ĕмĕрлĕхех хупать.

• 1948 — Голланд чĕлхин çичĕ урокĕ/ Nederlands in 7 Lessen — бортпроводница, документлă фильм, Нидерландсем (реж. Чарльз ван ден Линден)
• 1951 — Çăтмахри кулă / Laughter in Paradise, Аслă Британи (реж. Марио Зампи)
• 1951 — Хир сĕллин тĕшши / One Wild Oat — хăна çурчĕн регистраторĕ, Аслă Британи (реж. Чарльз Саундерс)
• 1951 — Лавендр Хилл вăрă ушкăнь / The Lavender Hill Mob — Чигита, Аслă Британи (реж. Чарльз Крайтон)
• 1951 — Монте-Карло пепки / Monte Carlo Baby — Линда, Франци (реж. Жан Буайе)
• 1951 — Çамрăк арăмсен калавĕсем / Young Wives’ Tale — Ив Лестер, Аслă Британи (реж. Генри Касс)
• 1952 — Вăрттăн çынсем / The Secret People — Нора, Аслă Британи (реж. Торольд Дикинсон)
• 1953 — Рим кану кунĕсем / Roman Holiday — Принцесса Анна, АПШ (реж. Уильям Уайлер)
• 1954 — Сабрина / Sabrina — Сабрина, АПШ (реж. Билли Уайлдер)
• 1956 — Вăрçăпа лăпкăлăх / War and Peace — Наташа Ростова, АПШ-Итали (реж. Кинг Видор)
• 1957 — Култармăш сăн-пит /Funny Face — Джо Стоктон, АПШ (реж. Стенли Донен)
• 1957 — Кăнтăрлахи юрату / Love in the Afternoon — Ариана Чавесс, АПШ (реж. Билли Уайлдер)
• 1959 — Ешерекен кил-çурт таврашĕсем / Green Mansions — Рима, АПШ (реж. Мэл Феррер)
• 1959 — Монахиня калавĕ / The Nun’s Story — Люк аппа, АПШ (реж. Фред Циннеманн)
• 1960 — Каçарăнманскер / The Unforgiven — Рэйчел Захария, АПШ (реж. Джон Хьюстон)
• 1961 — Тиффани ирхи апачĕ / Breakfast at Tiffany’s — Холли Голайтли АПШ (реж. Блэйк Эдвардс)
• 1961 — Ача-пăча вăхăчĕ / The Children’s Hour — Карен Райт, АПШ (реж. Уильям Уайлер)
• 1963 — Шарада / Charade — Регина Ламперт, АПШ (реж. Стенли Донен)
• 1964 — Парис, шăрăх чухне / Paris, When It Sizzles — Габриэль Симпсон, США (реж. Ричард Куайн)
• 1964 — Манăн хӳхĕм хĕрарăм / My Fair Lady — Элиза Дулиттл, АПШ (реж. Джордж Кьюкор)
• 1966 — Миллион епле шăхăртас / How to Steal a Million — Николь Бонне, АПШ (реж. Уильям Уайлер)
• 1967 — Иккĕн çул çинче / Two for the Road — Джоанна Уоллес, АПШ (реж. Стенли Донен)
• 1967 — Тĕттĕм пуличен чăт / Wait until dark — Сьюзи Хендрикс, АПШ (реж. Теренс Янг)
• 1976 — Робин тата Мэриан / Robin And Marian — Мэриан, Великобритания (реж. Ричард Лестер)
• 1979 — Тăванлă çыхăну / Bloodline, Элизабет, АПШ (реж. Теренс Янг)
• 1981 — Вĕсем пурĕ те кулчĕç / They All Laughed — Анжела, АПШ (реж. Питер Богданович)
• 1987 — Вăрă-хурахсен юратăвĕ / Love Among Thieves — Baroness Caroline DuLac, АПШ (реж. Роджер Янг)
• 1989 — Яланах / Always — Пирĕшти, АПШ (реж. Стивен Спилберг)

• Одри Хепбёрн (почтă маркки)

• Одри Хепбёрн Радио801 çинчи «Чаршав» программинче(ĕçлемен каçă)
• Одри Хепбёрн ячĕллĕ Ачалăх фончĕн официаллă сайчĕ 2017 ҫулхи Раштав уйӑхӗн 28-мӗшӗнче архивланӑ.
• Одри Хепбёрн(акăлч.) Internet Movie Database сайтĕнче
• Одри Хепбёрн — Ача пирĕшти
• Одри Хепбёрн фан-сайчĕ 2007 ҫулхи Ҫу уйӑхӗн 23-мӗшӗнче архивланӑ.(акăлч.)
• Одри Хепбёрн галерейи, журналсенчен илнисем.
• Audrey Hepburn A tribute to her Humanitarian Work 2009 ҫулхи Авӑн уйӑхӗн 1-мӗшӗнче архивланӑ.
• The Audrey Hepburn Guide — A guide to all things 'Audrey' on the Net 2009 ҫулхи Нарӑс уйӑхӗн 7-мӗшӗнче архивланӑ..

Шаблон:«Оскар» парни хĕрарăм паха ролĕшĕн