Genziana maiore

A genziana maiore
Gentiana lutea
Classificazione scentifica
Regnu	Plantae
Divisione	Magnoliophyta
Classa	Magnoliopsida
Ordine	Gentianales
Famiglia	Gentianaceae
Generu	Gentiana
Nome binuminale
Gentiana lutea Aiton, 1753

A genziana maiore (Gentiana lutea L., 1753) hè una pianta erbacea vivace di a famiglia di i Gentianaceae incù e radiche assai sviluppate.^[1]

L'epitetu "maiore", da u quale a spezia hè cumunamente chjamata, face riferimentu à a so taglia, più impurtante ch'è quella di l'altre spezie di u generu Gentiana, mentre ch'è u termine " lutea " face riferimentu à u culore giallu di i so fiori, in cuntrariu di e genziane turchine di l'icunugrafia alpina.

A genziana gialla hà un'altezza da 40 à 140 cm. Hè un'erba vivace tisgia incù un grande rizomu ramificatu è un picciolu simpliciu, erettu è cavu. Pò avè trà trè è deci fiori in verticilli à l'ascella di e casce ; a curolla di ogni fiore giallu hè divisa in u 5-6 laciniae. Fiurisce per a prima volta à l'età di deci anni. I granelli sò anemofili. E casce basale sò opposte, picciulate, grande, ellittiche, sinu à 30 cm di longu è 15 cm di largu incù e nervature parallele evidente. E foglie di u picciolu sò più chjuche, sessile è lungarine.

A genziana maiore hè originaria di e rigione muntose d'Europa, in particulare l'Alpe, i Pirenei è i Carpazi. Omu a trova ancu in certe rigione d'Asia cintrale. 'Ssa pianta priferisce e terre calcarie è e pratuline alpine, induv'ella pò pruspirà in cundizione climatiche difficile.

Gentiana lutea hè prisente in Corsica.^[2]

A genziana maiore hè una pianta vivace à longa durata di vita. Si riproduce per u più per via di granelli, chì sò spergugliati da u ventu. A germinazione di i granelli hè favurita da un periodu di fretu, ciò chì spiega chì 'ssa pianta sia à spessu assuciata à e rigione muntose. A fiuritura hà locu d'istate, attirendu numerosi insetti inamacatori grazia à u so culore vivu è à u so nettare abundante.

Gentiana lutea appartene à u generu Gentiana, chì cumprende più di 400 spezie à traversu u mondu. Frà i sinonimi usati per designà 'ssa pianta, omu trova Gentiana major, Gentiana amarella è Gentiana punctata.

A genziana gialla hè una spezia chì face l'ogettu d'una certa preoccupazione in termini di cunsirvazione. Per causa di a distruzzione di u so ambiente naturale, in particulare da l'urbanisazione è l'agricultura intensiva, a so pupulazione hà diminuitu in numerose rigione. Di più, a cugliera eccessiva di 'ssa pianta per e so pruprietà medicinale hà ancu cuntribuitu à a so rarefazione. Cù u fine di prisirvà 'ssa spezia, misure di prutezzione è di risturazione di u so ambiente sò necessarie/necessarii, è ancu rigulazione rigurose annantu à a so cugliera.

Altri nomi corsi di a genziana sò : a scinziana o l'ascenziana.

1. ↑ 'Ss'articulu pruvene in parte da l'articulu currispundente di a wikipedia in talianu.
2. ↑ Jeanmonod & Gamisans (2013).

• Gamisans, J. & Jeanmonod, J., Catalogu di i pianti vascularii di Corsica, Cunservatoriu è giardinu butanicu di a cità di Geneva, Geneva, 1993 (in francesu)
• Jeanmonod D. & Gamisans J. (2013) Flora Corsica (2 ed), Edisud.

• Gentiana lutea annantu à Wikimedia Commons.