Constantinople

Ang Constantinople (Griniyego: Κωνσταντινούπολις, Konstantinoúpolis) mao ang kanhing ngalan sa İstanbul. Kini mao ang imperyal nga kapital sa Imperyong Romano (330–395), sa Imperyong Bizantino/Sidlakang Imperyong Romano (395–1204 ug 1261–1453), sa Imperyong Latin (1204–1261), ug sa Imperyong Ottoman (1453–1922). Natung-an sa Golden Horn ug sa Dagat Marmara sa punto diin nagtagbo ang Uropa sa Asya, ang Bizantinong Constantinople mao ang kapital sa usa ka Kristyanong imperyo, misunod sa Karaang Roma ug Karaang Gresya. Sa Tungang Panahon kun Edad Medya, ang Constantinople mao ang kinadak-an ug labing adunahan nga dakbayan sa Uropa.