Tolusa

Tulusa ò Tolusa (Toulouse in francese, Tolosa in occitanu), una cità francese è occitana, hè a prefettura di l'Alta Garona (31) è u capilocu di a regione Midi Pirenei.

I so altri nomi sò : a Cità Mundina (dopu u nome di i Conti di Tolosa) è a Cita Rosula. U nome di Cità Rosula vene di u culore di i bastimenti anziani, custruiti incù mattoni di terra cotta.

L'abitanti si chjamanu i Tolosani (tolzan o tolzenc in occitanu è toulousain in francese )

L'altitudine media ghjè 141 metri.

A cità hè traversata da a Garona, è face 11 830 ettari (dunque appena di più ca Parigi.

In l'area urbana di Tolosa ci sò 964.797 abitanti, è in a cità stessa 443.103.

A crescenza demugrafica di Tolosa hè una di e più veloce di Francia.

A cità hè organisata in zone architetturale :

• a cità rumana, in u centru, cù carrughji assai ristretti è tortuosi. A Piazza Esquirol era l'anzianu foru rumanu ;
• si aghjunghe a cità medievale, circ'à a basilica Santu Sarnin ;
• i quartieri di i seculi 17 è 18 ;
• i foriporta oghjinchi, cume u Miralh ;

A prima linea di metrò fù aperta in 1993. Andava da Basso Cambo à Jolimont. Fù dopu stentita fin'à Balma Gramont.

A seconda linea fù aperta in lu 2007.

U metrò di Tolosa hè di tippu VAL, cume in Lille o in l'aeroportu di Roissy. Funzziona senza conduttore.

A terza linea hè dinfatti una linea di trenu express regiunale, ma i biglieti di metrò ci sò validati.

Dapoi 2009, u metrò di Tolosa hè diventatu bislingu.

Una linea di tramway sara aperta in lu 2010. Andara da Arènes à Blagnac.

• A merria : U Campidogliu, nant'à a Piazza di u Capitole ;
• u Donjon del Capitòli (offiziu di turisimu) ;
• e rive di a Garona ;
• l'Ortu di e piante ;
• u Ponte Novu ;
• u Canale di u Meziornu ;
• a Piazza Wilson ;
• a Gara Matabiau ;

U merre attuale hè Pierre Cohen

Tolosa face partita di Cummunità Urbana di u Grande Tolosa

L'economia di Tolosa riposa sobratuttu nant'à l'industria aeronotica. Si pò trova in unu di i so foriporta u sede di Airbus.

A lingua storica di Tolosa hè l'occitanu, ma avale un hè più parlatu cà una piccula piccula minoria.

A cità di Tolosa hè stata gemellata cu :

• Tel Aviv (Template:ISR) dapoi 1962,
• Atlanta (Template:USA) dapoi 1975,
• Kiev (Template:UKR) dapoi 1975,
• Bologna ( Italia) dapoi 1981,
• Elx (Template:CAT) dapoi 1981,
• Chongqing (Template:Country data China) dapoi 1981.

Ci sò ancu accordi di cooperazione cù e seguente cità :

• N'Djamena (Template:TCD) dapoi 1980,
• Saragossa ( Spagna) dapoi 2000,
• Hanoi (Template:Country data Vietnam ).

Câmpia Turzii ( Romania) hè a «cità d'adozzione» di Tolosa

• Tolosa nantu Wikivoyage (in francese)