Type 99 (fuzuilh-vindrailher)
Arabat eo droukveskañ gant Arisaka 99.An Type 99 a zo ur fuzuilh-vindrailher japanat implijet etre 1939 ha 1945 gant arme ha morlu an Impalaeriezh.
| Fuzuilh-vindrailher stumm 99 | |
|---|---|
 Ur fuzuilh-vindrailher Type 99 | |
| Kinnig | |
| Bro |  Impalaeriezh Japan
|
| Mont en-dro | Fuzuilh-vindrailher aotomatek |
| Munisionoù | 7,7 × 58 mm Arisaka |
| Produerien | Arsanailhoù Tokyo, Kokura, Nagoya, Jinsen (Incheon), Hoten (Shenyang) |
| Skouerennoù produet | War-dro 45.000 |
| Mare implij | 1939–1945 (Impalaeriezh Japan) |
| Pouez ha muzulioù | |
| Mas (hep kartouchenn) | 10,4 kg |
| Hirder | 1.181 mm |
| Hirder ar c'hanol | 550 mm |
| Perzhioù all | |
| Hed-tenn pleustrek | 2.000 m |
| Tizh mont e-maez ar boledoù | 715 m/s |
| Lusk-tennañ | 800 tenn/mn |
| Endalc'h | Karger fiñv 30 kartouchenn |
| Lezenn | |
| Rummad e Bro-C'hall | A |
Istor
kemmañAn Type 99 zo ur stumm gwellaet eus an Type 96. Ijinet eo bet evit kambriñ ar munision nevez 7,7 × 58 mm krouet e 1939, a oa azasaet e galibr ouzh bannadelloù ispisial (entanus, tarzh...). Ouzhpenn d'he daoubez e oa bet ouzhpennet un troad dezhi dindan he lamm. He c'hanol a c'halle bezañ divontet buan. Daoust d'an arm bezañ gwelet gant ar soudarded japanat evel gwellañ fuzuilh-vindrailher o bro, ne zeuas ket a-benn industrielezh Japan da broduiñ a-walc'h anezhe evit pourvezañ ezhommoù hec'h arme. Tro 45.000 skouerenn a voe produet el labouradegoù da heul[1] :
- arsanailh Kokura (1942-1943), 7.000 skouerenn ;
- arsanailh Nagoya (1941-1945), 15.000 skouerenn ;
- Hitachi Heiki K.K. (1941-1945), 22.000 skouerenn ;
- Chuo Kogyo K.K. (1941), 1.000 skouerenn.
Daveennoù
kemmañ- ↑ (fr) LE GOFF Hervé, Les fusils-mitrailleurs japonais, in Gazette des Armes n°572, miz Meurzh 2024, pp. 58-59